يا نـعمة النسيـان يــا رحمــة الله

[طير الوسيطي]

يا نـعمة النسيـان يــا رحمــة الله

لـولاك أنا عزاه وش كان سويـت

لو اذكر اللـي كـان دقـه وجلـه

مـا كـان ساعـة في حياتـي تهـنـيت

لولاي اسلى خـاطري جاه علـه

وارتاح لين ارسلت بعض التناهيت

لا ضعت بالنسيـان وقـتي يدلـه

ولّيت يـا وقت العـنا كيف عـيـيت

خل الفكر يرتاح والقلب خلـه

في غـيمـة الـنسيان يلـقى بـها بـيـت

اسج بعض الوقت ما هوب كله

واعـود كـنّي مـا عن الحال سجـيت

واشوف كـلش ثـابـت في محلـه

عـن واقـع الأيـام مـا كـنّي أقـفـيـت

هذا ضحى شمسي وهذاك ضله

واللــيل رعـشت ساريـات المواقـيـت


خالد الفيصل

[معاهدات]

بين جمال القصيدة وجمال التوقيع
لا نعمل سوى أن نقف أحتراما لك يا طير المنتدى وأبرز من فيه

[طير الوسيطي]

الاخ العزيز
معاهدات
شكر لك الف شكر
والله يعطيك العافيه
والحقيقه احرجتني بكل الاطراء الرائع وعطيتني اكبر من حجمي
ولك تحياتي واشواقي
وخالص الشوق والحب والتقدير والاماني مني لك يااغلي من في المنتدي وسيدهم كلهم الكبير في كل شي معاهــــــدات الغالي

[السكروب]

يا نـعمة النسيـان يــا رحمــة الله

لـولاك أنا عزاه وش كان سويـت
-----------------------------------------

فعلا الحمد الله على نعمه النسيان.
لولا النسيان. كان الانسان بلا مستقبل
ولاطموح.

بس وين الشاكر.

تحياتي واشواقي لك

ونهارك عسل. يالطيب

[طير الوسيطي]

ابوعلي دايم انت وافي معي
والله لايهينك واتمني لك السعاده دايم
الرجال قليل وانت من القله والله يطرح فيك البركه
ولكم مني خالص التحيات والاماني
ومساءك سعيد وعامر بالمسرات
ولك مني ورده محبه