امدحني احبك انتقدني اكرهك !!!!!!!!!

[عاشق ديرتي بريده]

المدح افضل طريق لكسب حب الناس ماادري ليش اي شخص تمدحه يبدا يحبك
ويدورك كل يوم عشان تمدحه !!!!
شف ملامح اي شخص وشلون تتغير اذا مدحته على طول يبتسم ويرتخي وجهه
حتى لو كنت تكذب عليه بس اهم شي تمدحه
ولو تقوله لو كذب فيه شخص يمدحك يبدا يتصل عليك كل شوي يقول تكفى منهو اللي يمدحني وينشبك لين تعلمه
حتى بالمنتدى اذا مدحت موضوع اي عضو على طول يجي لموضوعك ويمدحك ويبدا
يقراء كل مواضيعك ويمدحك وبالعكس لو تسب موضوعه وتقول خرابيط
يبدا اذا شاف لك موضوع مادخله ابد والا اذا دخل الموضوع سبه


والعكس صحيح اذا نقدت الشخص او سبيته يبدا يكرهك مثل ابليس !!!

وش قصة المدح ليش يسوى بالانفس كذا ؟؟؟؟

والله العظيم بعض الاوقات اشوف ناس كل واحد يمدح الثاني بوجهه وكلهم يكذبون
بس كلهم مبسوطين
واقول ببالي الله يخلف على ام جابيتكم

[إنسانة غير]

أخي عاشق ديرتنا بريدة


كلامك صحيح وهذا اللي صاير بين الناس خلنا من المدح أمره سهل ويمر مرور الكرام


بس شف الواحد لو قلت رآيك له بصراحة سواء بلبسه أو مشيته أوأي شي يخصه

مايبي الصراحة أبد يبيك تقول الكلام اللي يبي بس >مع إنك تقول رآيك بمنتهى الأدب

والإحترام وبدون أي سخرية أو إستهتار بالعكس أحيانا تبي تعطيه الكلام اللي محد

يمكن يوصله له وتكون ناصح له وبطريقة لبقة ومحترمة

المهم عندي إنك تقول رآيك بصراحة للشخص بدون ماتعرضه للإحراج أمام الآخرين

أو تفرد عضلاتك قدام اللي جالسين برآيك يعني شوفوا ياناس تراي شجاع وماأخاف

من أحد -يعني توصل له رآيك بطريقة مؤدبة وراقية علشان يتقبل نقدك

وبإعتقادي لو استعملت معه طرق الإستهتاروالتهكم راح يعاند لو كان مقتنع إنه غلطان



وبالإخير لاحظ أخي أن الناس إنتابتهم في المراحل الأخيرة موجة حساسية من

الكلام غير طبيعية



تقبل مروري أخي ودمت بود




أختك / إنسانة غيــــــــــــــــر

[عاشق ديرتي بريده]

هلا بك اختي انسانه
المشكله الناس مايبون احد يقولهم شي الا المدح هو المطلوب الحين
لو تقول لكل شخص رايك فيه والله العظيم ان تصير منبوذ من كل الناس
يعني ياتمدح والا تسكت وغير كذا غير مقبول

[شايب سمنسي]

هذي هي ثقافة النفاق

امدحني وامدحك وشد لي واقطع لك

المصداقية في النفوس مفقودة

[عاشق ديرتي بريده]

اقتباس:  المشاركة الأصلية كتبت بواسطة شايب سمنسي     هذي هي ثقافة النفاق امدحني وامدحك وشد لي واقطع لك المصداقية في النفوس مفقودة

طيب وش الحل ياشويبنا
يعني نمدح والا نصير طرمان !!

[صدى الصوت]

عاشق ديرتي بريده

مواضيعك كله اجتماعيه انصحك تبتعد عن الناس اللي تقابلهم او تجلس معهم لحد ماتتحدث او تطور عقولهم

انا احس انك تجلس مع ناس اجسامهم كبيره وعقولهم صغيره

وانت الله يهديك حساس كل شي تلاحظه

انتبه لاتطبع بهم ترى اغلب البشريه مادري وشلون صايرين



اما سالفت المدح

فهو اغلبه نفاق ولا مصلحه

1% يكون المدح لوجه الله او انه يحبك من قلب صافي

تحياتي لك


مشكور عاشق ديرتي

[لمبة شارع]

عاشق

حطالمدح والذم في درج واحد...

[عاشق ديرتي بريده]

اقتباس:  المشاركة الأصلية كتبت بواسطة لمبة شارع     عاشق حط المدح والذم في درج واحد...

لمبه تعال ابرزك قدامهم وابقول هذا نمونه من اللي مايمدحون ومكروه
انت اكثر شخص تقول الحقيقه بوجه صاحب الموضوع بدون مجامله
بس للاسف الناس تدور زلاتك عشان ينتقمون ويسبونك مع انكم ماسبيتهم انتقدتهم بس!

[عاشق ديرتي بريده]

اقتباس:  المشاركة الأصلية كتبت بواسطة صدى الصوت     عاشق ديرتي بريده مواضيعك كله اجتماعيه انصحك تبتعد عن الناس اللي تقابلهم او تجلس معهم لحد ماتتحدث او تطور عقولهم انا احس انك تجلس مع ناس اجسامهم كبيره وعقولهم صغيره وانت الله يهديك حساس كل شي تلاحظه انتبه لاتطبع بهم ترى اغلب البشريه مادري وشلون صايرين اما سالفت المدح فهو اغلبه نفاق ولا مصلحه 1% يكون المدح لوجه الله او انه يحبك من قلب صافي تحياتي لك مشكور عاشق ديرتي

انا طبعي اشوف واستمتع واضحك مااشارك الناس كلامهم لانه كلام متكرر وكل يوم ينقال
انا اشوف مافيه شي جديد بالحياة كله كلام لايقدم ولاياخر
بس مجرد كلام يضيع الوقت
بس حلوه ملاحظتك ياصوت
والله لو اغير الف مجلس الكلام والطبع واحد مدح وخرابيط والا انتقاد وهوشات !!!

[هامة حاسوبية]

[align=center]

النقد يكون سيئا في حالتين

الأولى : إذا كان من باب التدخل بشئون الأخرين ، فبعض المواضع لا يحق لك إنتقاد غيرك فيها

والثاني : إذا كان بأسلوب الإستهزاء أو بقسوة

فانتقدني كما تشاء ولكن بأسلوب وعقلانية



تحيتي

هامة حاسوبية

[/align]

[عاشق ديرتي بريده]

اقتباس:  المشاركة الأصلية كتبت بواسطة هامة حاسوبية     [align=center] النقد يكون سيئا في حالتين الأولى : إذا كان من باب التدخل بشئون الأخرين ، فبعض المواضع لا يحق لك إنتقاد غيرك فيها والثاني : إذا كان بأسلوب الإستهزاء أو بقسوة فانقدني كما تشاء ولكن بأسلوب وعقلانية تحيتي هامة حاسوبية [/align]

هلا هامه
اذا انتي تقبلين النقد يوجد الف شخص لايحب النقد !!!
مشكله الناس ان كل واحد يشوف انه هو الصح وافعاله صح واللي يقول كذا مايفهم !

[الذاهـبـة]

فيه حكمة شعبية قديمة .. لكن فقدت التركيبة الصحيحة للصياغة ، و بعطيكم الزبدة :

تقول العجوز : ( ياحبي لمبكياتي .. و ياكرهي لمضحكاتي ) ..

و في قراءة أخرى ..

( فيدت مبكياتي و فدينن مضحكاتي ) ..

و المقصود من ذلك .. يعني مرحبا بالنقد .. لأن النقد هو اللي بيفيدني ،

ولا أحتاج المدح ( من عند وجهي ) يعني قدامي .. حتى لو انبسطت عليه ..

لأن الثناء الصادق يكون في غيبتي .. مو في حضوري ..

لكن ..

أجيال اليوم يا استاذ عاشق ديرتي .. على الريحة ..

جيل رخو مسكين .. ما يتحمل ..

لو تقول له : ( هذا خشمك ) .. زعل !!



* في نقطة هامة .. ألا وهي مراعاة الذوق و قواعد الإتيكيت ..

يعني النقد يكون لطيف و بطريقة مهذبة .. و إذا شفت الشخص حساس

أو لا يرغب بالنقد .. فالأفضل تجنبه .. يعني لا تمووووووووت إلا و تخبره عن عيوبه !! *

رعاكم الله ..

[لمبة شارع]

اقتباس:  المشاركة الأصلية كتبت بواسطة عاشق ديرتي بريده     لمبه تعال ابرزك قدامهم وابقول هذا نمونه من اللي مايمدحون ومكروه انت اكثر شخص تقول الحقيقه بوجه صاحب الموضوع بدون مجامله بس للاسف الناس تدور زلاتك عشان ينتقمون ويسبونك مع انكم ماسبيتهم انتقدتهم بس!

محد يكرهني يا عاشق...

اللي يذموني وهم قلة هم اكثر من يقرأ لي ويتقطعون في حروفي ويشهقون اذا شافوني معدي من قدامهم...يعني يموتون في دباديب شخابيطي..!<<<<بس انا كأني ما أدري..تخبر لزوم المحافظة عليهم
ثم وش المشكلة اذا عطيتهم مساحة لفش الخلق؟؟
اصلا الجميع داخل للنت يبي يوسع صدره..
خلهم يهيضون وياخذون نفس عميق على ايديني !!
اجل تبغاهم اذا دخلو المنتدى بس ينحشرون وينتكون وبس يجاملون ويمدحون في هالعالم !!
لازم تعطيهم مساحة حرة يمارسون فيها ذواتهم ويتحررون من المثاليات المزيفة التي يضطرون اليها و التي تملأ المنتدى...

[عاشق ديرتي بريده]

اقتباس:  المشاركة الأصلية كتبت بواسطة الذاهـبـة     فيه حكمة شعبية قديمة .. لكن فقدت التركيبة الصحيحة للصياغة ، و بعطيكم الزبدة : تقول العجوز : ( ياحبي لمبكياتي .. و ياكرهي لمضحكاتي ) .. و في قراءة أخرى .. ( فيدت مبكياتي و فدينن مضحكاتي ) .. و المقصود من ذلك .. يعني مرحبا بالنقد .. لأن النقد هو اللي بيفيدني ، ولا أحتاج المدح ( من عند وجهي ) يعني قدامي .. حتى لو انبسطت عليه .. لأن الثناء الصادق يكون في غيبتي .. مو في حضوري .. لكن .. أجيال اليوم يا استاذ عاشق ديرتي .. على الريحة .. جيل رخو مسكين .. ما يتحمل .. لو تقول له : ( هذا خشمك ) .. زعل !! * في نقطة هامة .. ألا وهي مراعاة الذوق و قواعد الإتيكيت .. يعني النقد يكون لطيف و بطريقة مهذبة .. و إذا شفت الشخص حساس أو لا يرغب بالنقد .. فالأفضل تجنبه .. يعني لا تمووووووووت إلا و تخبره عن عيوبه !! * رعاكم الله ..

هلا استاذتي الذاهبه
المشكله من اللي يقبل بالنقد واكبر دليل انتي تشوفين الردود بالمنتدى بعضها نقد حلو بس برضو تزعل الكاتب

وروحي جربيها الحين روحي لاشين موضوع وردي هذا احلى موضوع شفته بحياتي
يبي ينبسط الكاتب وانتي تكذبين عليه
وروحي انتقدي اي شخص بس نقد بادب ونقد بسيط وشوفي وشلون ينتفخ عليك الكاتب !

[عاشق ديرتي بريده]

اقتباس:  المشاركة الأصلية كتبت بواسطة لمبة شارع     محد يكرهني يا عاشق... اللي يذموني وهم قلة هم اكثر من يقرأ لي ويتقطعون في حروفي ويشهقون اذا شافوني معدي من قدامهم...يعني يموتون في دباديب شخابيطي..!<<<<بس انا كأني ما أدري..تخبر لزوم المحافظة عليهم ثم وش المشكلة اذا عطيتهم مساحة لفش الخلق؟؟ اصلا الجميع داخل للنت يبي يوسع صدره.. خلهم يهيضون وياخذون نفس عميق على ايديني !! اجل تبغاهم اذا دخلو المنتدى بس ينحشرون وينتكون وبس يجاملون ويمدحون في هالعالم !! لازم تعطيهم مساحة حرة يمارسون فيها ذواتهم ويتحررون من المثاليات المزيفة التي يضطرون اليها و التي تملأ المنتدى...

احلى ياواثق يالمبه
طيب يالمبه بسالك اذا حصلت مدح لك تنبسط والا مايهمك
وبروضوا اذا حصلت انتقاد والا شتم في موضوعك وش انطباعك !؟