ياناس لازم السفر بالعطلة ؟؟؟

[أبو ريان القصيم]

إذا بدأت الاختبارات وقربت العطله أصبح السفر هو شغل الناس الشاغل
فلا يهمه نتائج الأبناء أهم شي عنده أنهم يعطلون ويسافرون وكأن السفر مرتبط بالعطله
صحيح ان العطله وقت طويل للراحة لكن مو لازم تسافر وتجلس شهر أو أكثر
وكأن بيتك ماتعرفها إلا في وقت الدوام!!!
والمشكله اننا نرى الكثير من المسافرين تتراكم عليه الديون بسبب السفر
يمكن كلامي هذا قد يعجب بعض الرجال ولكن لايعجب الحريم لأنهن هن اللي يبدن بالسفر وكل هذا عشان الأسواق... الأسواق ....الأسواق وأكررها ثلاثا
ولايفتكر البعض ان اللي مايسافر عنده ظروف صعبه تحرمه من السفر بل أن هناك الكثير يتفرغون لأشغالهم الخاصة
وش رايكم ياشباب هل السفر بالعطلة واجب علينا أو مو واجب ؟؟؟

[عاشق ديرتي بريده]

ايه لازم تسافر شف اختي منيره سافرو واختى نوره سافرو
كل الناس تسافر الا حنا قاعدين بالبيت

السفر موضه ولازم تسايرها

[الجبل الاسود]

موضوع جيد تشكر علية بس ماذا تقصد هل هو
السفر لداخل المملكة اما لخارج المملكة

المشكلة ان فية ناس خصوص الاغنياء يسافرون للخارج
في اليوم الوطني وكذلك في الاجازة اللى اعطيت لاهل الرياض
اثناء مؤتمر القمة العربية بالله عليك لة الدرجة مايقدرون
يجلسون في بلدهم خلال 3 او 4 ايام

اما بالنسبة للديون علشان السفر هذا موجودوازيدك من الشعر بيت
البعض يبيع سيارتة ويمكن بيتة علشان يسافر

[الذاهـبـة]

مد رجولك على قد لحافك ..

و ما يمنع لو توسعون صدوركم على حريمكم .. و تحسون بشعورهن شوي ..

خصوصاً الموظفات ..

ترى الاسبوع الاول من العودة حقت المدرسات .. الله وكيلكم كللللللللللللله مهايط ..

( انا رحت اسبانيا .. وااااع لا والله انا رحت لديفون .. يااااه لا ماشفتوا جزيرة جنب الهند ) ..

وخذ من الهيط .. حمد لله .. حريم هذا اقصى ما عندهن .. هه !!

عاد حلو السفر للترويح عن النفس .. و مو لازم تروحون لآخر الدنيا عشان تنبسطون !!

[لمبة شارع]

انصح الجميع بالسفر الى مصائفنا الغالية وعدم السفر الى الخارج فبلادنا بلاد الامن والامان والاسعار المناسبة والمصائف الجميلة وفيها عقيدتنا الاسلامية وعاداتنا وتقاليدنا الجميلة برضوه وفيها شواطيء جميلة وفنادق جميلة وخطوطن سريعة والهدا والشفا والسودة والحبلة والهاف مون وملاهي الحكير في كل محل...

[أبو ريان القصيم]

طيب ياعاشق ليش ماسافرت مع خواتك ؟؟ او انت تأيد كلامي وجالس بالبيت أقصد متفرغ لأشغالك الخاصه

الجيل الأسود : اقصد بالسفر عموما داخلي وخارجي
اتمنى انهم يفتحون الجرايد كل يوم ويشوفون الحوادث في الطرق السريعه كان ماسوو كذا

[الجبل الاسود]

لمبة الشارع

من ردك تسخر من السياحة الداخلية صحيح

[ابوخالد382]

اقتباس:  المشاركة الأصلية كتبت بواسطة تايقر بريدة     إذا بدأت الاختبارات وقربت العطله أصبح السفر هو شغل الناس الشاغل فلا يهمه نتائج الأبناء أهم شي عنده أنهم يعطلون ويسافرون وكأن السفر مرتبط بالعطله صحيح ان العطله وقت طويل للراحة لكن مو لازم تسافر وتجلس شهر أو أكثر وكأن بيتك ماتعرفها إلا في وقت الدوام!!! والمشكله اننا نرى الكثير من المسافرين تتراكم عليه الديون بسبب السفر يمكن كلامي هذا قد يعجب بعض الرجال ولكن لايعجب الحريم لأنهن هن اللي يبدن بالسفر وكل هذا عشان الأسواق... الأسواق ....الأسواق وأكررها ثلاثا ولايفتكر البعض ان اللي مايسافر عنده ظروف صعبه تحرمه من السفر بل أن هناك الكثير يتفرغون لأشغالهم الخاصة وش رايكم ياشباب هل السفر بالعطلة واجب علينا أو مو واجب ؟؟؟

أكيد داج ياتايجر ولا كان هالحين أنت بهاواي.....تراي أمزح.....
السفر وأنا أخوك شيء ضروري للإنسان من أجل كسر روتين الحياة الممل وتغيير البيئة شيء ضروري...أنا مستحيل بالإجازة أقعد بالسعودية وخصوصا الجو يطبخ...يعني مسافرين مسافرين..ودمتم بخير.....

[أبو ريان القصيم]

لمبة شارع نسيت تقول (( كل شي فيها محترم))
اشكرك على الرد

[أبو ريان القصيم]

اقتباس:  المشاركة الأصلية كتبت بواسطة ابوخالد382     أكيد داج ياتايجر ولا كان هالحين أنت بهاواي.....تراي أمزح..... السفر وأنا أخوك شيء ضروري للإنسان من أجل كسر روتين الحياة الممل وتغيير البيئة شيء ضروري...أنا مستحيل بالإجازة أقعد بالسعودية وخصوصا الجو يطبخ...يعني مسافرين مسافرين..ودمتم بخير.....

رهيبه هالمزحه لاياخوي ماني داج اذا تبي سلف علمن ...
والله يعينك على الطرق السريعه والقسايم !!

[أبو ريان القصيم]

اقتباس:  المشاركة الأصلية كتبت بواسطة الذاهـبـة     مد رجولك على قد لحافك .. و ما يمنع لو توسعون صدوركم على حريمكم .. و تحسون بشعورهن شوي .. خصوصاً الموظفات .. ترى الاسبوع الاول من العودة حقت المدرسات .. الله وكيلكم كللللللللللللله مهايط .. ( انا رحت اسبانيا .. وااااع لا والله انا رحت لديفون .. يااااه لا ماشفتوا جزيرة جنب الهند ) .. وخذ من الهيط .. حمد لله .. حريم هذا اقصى ما عندهن .. هه !! عاد حلو السفر للترويح عن النفس .. و مو لازم تروحون لآخر الدنيا عشان تنبسطون !!

حنا موسعين صدورنا لحريمنا اكثر من الازم لأنهن يستاهلن ولله الحمد
والترويح عن النفس موجود في كل مكان
واشكرك على ردك للموضوع

[تاج القصيم]

الصيف قرب والسفر حان طاريه
الله يعين اللي مفارق حبيبه

[هادي الطبع]

السفر لترويح عن النفس بعد ملل طويل في التحجير بالبيت ولكن ليس الزاماً ان تسافر وانت على الحديده فيه امور اخرى يمكن ان تحسس اولادك بالراحه وبمدينتك تعملها الخروج للمتنزهات والذهاب اى الملاهي وغيره كثير

[the-moon]

تقل به أحد صوت لي بذا

[العصامي]

[align=center]

اقتباس: اقتباس:  المشاركة الأصلية كتبت بواسطة لمبة شارع     انصح الجميع بالسفر الى مصائفنا الغالية وعدم السفر الى الخارج فبلادنا بلاد الامن والامان والاسعار المناسبة والمصائف الجميلة وفيها عقيدتنا الاسلامية وعاداتنا وتقاليدنا الجميلة برضوه وفيها شواطيء جميلة وفنادق جميلة وخطوطن سريعة والهدا والشفا والسودة والحبلة والهاف مون وملاهي الحكير في كل محل...

[/align]
[align=center]
و لاتنسوا أن الأجواءو باردتون والأسعارو رخيصتن والخدماتو متوفرتون !!![/align]