حد الألم

[بدر بن عبدالله الدخيل]

على حد الألم والعين تدمع والندم بركان
صحى .. ليته صحى فيما مضى من سالف سنيني
**
عقب ماني على الرمضى مشيت ادور النسيان
وافتش بآخر الغربة عن أعذارٍ تواسيني
**
عقب ماني زرعت الياس بدروب الامل حرمان
وخليت الفرح ينزف .. عزاه بنوح سكيني
**
عقب ما خنت انا نفسي وخنتك يا اعز انسان
وخنت حروفي العذرا دفنت الشوق بيديني
**
خطاي اكبر من ذنوب البشر واكبر من الغفران
خطاي اقسى من احساسٍ غريب وعايشٍ فيني
**
خطاي اني خطيت وما دريت اني بعد غلطان
وذي اكبر مصيبه والمصيبه وينه وويني
**
تشيم وابتعَد عني وفي حالي بدا النقصان
انا مالوم مضنوني ولو بالنار يكويني
**
دخيلك يا بعد روحي اذا تسمع صدى الولهان
تغيب تجدد جروحي ابي بعدك يبكيني
**
ابيك تصير لي مثل الزمن كله وجع واحزان
ابيك السمع والتفكير ابيك الدمع في عيني
**
ابيك الامن ابيك الخوف ابيك السجن والسجان
ابيك الفرح ابيك الجرح ابيك الزين والشيني
**
ابيك السكه اللي ما توهني عن العنوان
ابي ليلك طويل ولا ابي صبحك يصحيني
**
ابيك من الفرح تروى واموت لخاطرك ضميان
ابيك ترجع ايامٍ مضت ما بينك وبيني
**
على الهمسه على اللمسه على التذويب يا فتان
اضمك لين احطك وسط قلبي مع شراييني
**
انا مجنون في حبك انا يمكن بعد سكران
الا يا حلوها سكرة عذابك قوم واسقيني
**
ترى والله ما خنتك لجل غيرك من الخلان
ولا فكرة اخونك بس عيا الوقت يذريني

شعر/ بدوررري

[خالدعوض الحربي]

الله المستعاااااان يزين قصيد البدو يذيب . معا اني ماحب هالقصايد لكن صح لسانك اخي وبالتوفيق اناشالله
الـذيــب ذيــب والـذيابــه قليليــن *** ذيـب الـذيـابـه ماخـذ اليوم ثاره
الــذيـب يـفــهـم ويـنـتـبـه زيـــن *** من قبل مايوقع وسط بيـر جاره
الله اكــبــر يـزمــان الــقـديـمـيـن *** يالـيـت مجـانا زمان الحضاره
سلومنا مشت على الطيب والدين *** وافـعـالـنـا تشـهـد لـنا بالشطاره
ودمتم بحفظ الله ورعايته .

[بدر بن عبدالله الدخيل]

يا مرحبا ياللي على العسر واللين *** ما تنطفي لجل المخاليق ناره
شرفتنا يا بو عوض

[Tulane]

الله الله عليك رووووعه

وصح لسانك ملايين ولايكفون

بإنتظار جديدك

[بدر بن عبدالله الدخيل]

مشكوره كبرياء أنثى .. هذا من ذوقك

تذكرني الى ضاق الزمان وشانت ظروفك ** تراني مثل طيات الذهب ما يختلف لوني

(ستكون هذه المقطوعه أنشاء الله مشاركتي التاليه)

[مشعل السلمان]

الله الله عليك يالقرم


ابيات جميله رغم الألم الذي يعتريها


صح لسانك ولاهان راسك


شكراً لك

[بدر بن عبدالله الدخيل]

الشعر الحقيقي هو من يكتبك .. وليس ما تكتبه

مشكور على الاطراء

[بندر الحمر]

شكرا جزيلا لك أخي بدوووري

صح لسانك

وفقك الله

[العبرى]

انا مجنون في حبك انا يمكن بعد سكران
الا يا حلوها سكرة عذابك قوم واسقيني


أبيات رائعه..

صح لسانك

وسلمت




تحيتي,,,

[بدر بن عبدالله الدخيل]

مشكور بندر .. كلك ذوق

[بدر بن عبدالله الدخيل]

شكراً على الاطراء العبرى .. تحياتي

[دلوعة الصفرا]

من ذا اللي مقطعه قلبك

يا حضها

[بدر بن عبدالله الدخيل]

بالبيت جالسه ومحشومه

[خـــــــــــــــالـــــــــد]

شاعرنا المبدع بدوري


صح لسانك ملايين


اطربتنا و انتزعت اعجابنا

انا مجنون في حبك انا يمكن بعد سكران
الا يا حلوها سكرة عذابك قوم واسقيني

[بدر بن عبدالله الدخيل]

عزيزي خالد .. حقيقة لا املك إلا أن اشكرك على دعمك المعنوي

وراح اسمعك قصيدك في شخصك الكريم قريباً

تحياتي