دبروا لي حل الفوتوشوب طيّر عقلي

[همسة غلا]

السلام عليكم ورحمة الله ..

يااهل الخبره والمعرفه .. الله يخليكم لي سالفة مع الفوتوشوب ..


أول ماحملت البرنامح كان كل شي تمام ..
فجأة كذا صار الخطوط العربية مايكتبه زين تصير مربعات وأشكال وكأنه طلاسم .. مدري وش السالفة ..
قمت وحذفت البرنامج وحملته من جديد
وصار نفس الشي .. مازان يعني

قلت يمكن البلا من الخطوط لانه مب كل الخطوط تطلع نفس المشكلة بس الخطوط الي محملته من النت ..

مع العلم إنها أول مافيها إلا العافية تطلع تمام ..

بس المشكلة الخطوط هذي أكتبها بالورد مافيها مشكلة ليش بس بالفوتوشوب .. وليش أول عادي والحين لا ؟؟؟؟


أبي حل تكفون تراي إنهبلت ..

وبسرعه الله يعافيك ويجزاكم خير لأن البرنامح أعتمد عليه بشغلي بشكل كبير كبير ولا ابي اوقف أشغالي


مع العلم إن إصدار الفوتوشوب عندي الثامن ...!!!

وشاكررررررررررره لكم

[kito koroba]

هلا وغلا بالغالية

انا يصير معي نفس الشئ

بعد ما تكتبين الي تبغينه

اضغطي

Ctrl + T

وارفعيها من فوق شوي بس علشان ما يأثر على الخط وان شاء الله يضبط معاك

لكن اكيد فيه حل افضل

بس هذا مؤقت

تشاااو

[همسة غلا]

مرحبا ..

مشكووووور تسلم على ردك

بس والله سويت الي قلتي عليه .. ماتغير شي ..!!!

أبصيح

[مباشر]

ممكن نوع الخط عندك متغير

حاولي تجربي بالخطوط؟؟؟

[همسة غلا]

مرحبا أخوي مباشر ..

شاكرة لك ردك .. وتسلم


جربت كتبت بعدين ظللت الكتابة
وغيرت بالخط .. نفس الشي مايتغير لكن إذا صار الخط traditional Arabic
ولا Time news

والمجموعه الي أساس تجي بالخطوط الي بالويندوز يطع كل شي تمام مايخرب ..

مدري ليه

[طـمـوح]

صاير لي نفس الشي هذا يمكن قبل سنتين وهبل بي تهبيل

وقلت له شف يا فوتوشوب .. تبي تزين وتعقل وتكتب عربي ولا تراي ما عمري أفتحك <=== واقفه عليك

وإلى هذا اليوم ماعرف له حل <=== لا يجيك إحباط تراي مابحثت عن حل

[جناان]

الله يعينك
صار معي نفس الشيء
لكن بعد ما حذفته وحملته مره ثانية
مشى وصار عال العاال

[همسة غلا]

طمووووح وش السوات يعني ببتل كذا لا ما يصلح لازم يزين مب على كيفه
قسم بالله احباط بقوه أبيه يزين غصب ....





جنان ...


طيب مرتين أحذفه وأحمله من جديد .. ونفس الشي ماتغير ...
يارب علي شين حظّ مدري وراه

[kito koroba]

شوفي هذا ردين لأحد المشاكل المشابهه لمشكلتك

اقتباس: والله ياخوي بالنسبه للمشكله اللي تواجهك .... على حد علمي وعلى حسب ما لاحظة على أغلبية المستخدمين ان هذي المشكله موجوده في الإصدار الثامن عيب شركة أدوبي ان كل نسخه تطلع لازم يكون فيها عيب ( طبعاً الله أعلم عن النسخة الأصليه ) وهذي المشكله انحلت في الإصدار التاسع ... لكن واجهنا في الإصدار الجديد عيوب البطء

اقتباس: المشكله الي واجهتك هي عباره عن عيب من عيوب النسخه العربيه يعني المشكله ثابته

وإذا تبغين رأيي

انا اقول تكتبين المشكلة لخبراء البرامج

السعودي - سوق خضرة - الدكتور - ابو سليمان ...الخ

في قسم الكمبيوتر والجوال

وان شاء الله ما تروح 10 ساعات الا وفيه مليون حل

وآسف لعدم المقدرة عالمساعدة

[إحساس رسام]

القضية هذاي قد صارت معي أول ماحملت الفوتوشوب الإصدار الثامن صارمعي نفس الحركه ,,

سئلت واحد قال لازم تستدم الوسيط مثل برنامج أبو رشيد علشان تحول الكتابه من طلاسم إلى عربي ,,

ولا أقولكـ أحسن لكـ أستخدمي فوتوشوب الإصدار السابع أحسن منه ,,,



شكراً ,,

[KING BURAYDAH]

أقووووول يمكن .. إذا سويتي لصق من الورد ما يجي ..

وانا كذا ..

أما إذا كتبتي ..

عادي يجي ...

وصلت المعلومة ..

[zezo_1400]

الحل سهل جدا ان شاء الله

عطيني اي اصدار تستخدمين واجيب لك الحل مع الشرح بالصور ..


حل :
اضغطي على حرف T من الادورات للكتابة طبعا
اكتبي اي شي ...
اول ماتضغطين على ايقونة الكتابة تطلع لك خيارات وخصائص الخط فوق ..
فيه مربع صغير وتابعي الصورة



خلي كل شي على الوضع الافتراضي .. علما ان النسخة 8 cs

ابلغيني وضعك بعد التجربة
للمعلومية: كثير تحصل معي واحلها بهالطريقة
اجمل تحية

[Saleh Al Salem]

شوف حبيبي أحسن فوتوشوب طلع
( 7 ) وأسئل كل النصممين
وغير كذا لا تدور

وســـــــــــلام

[همسة غلا]

kito koroba

شكرا لك .. نصيحتك ..
وإن شاء الله يارب تنحل ..


احساس رسام ..

ما ابي بررنامح وسيط ولا شي الي قاهرن يكتب مافيه إلا العافية وش الي قلبه فجأة مدري ..!
شكلي على قولتك إن مانفع بحمل السابع .. يمكن أريح لي .. مع إن السابع بجهازي الاول مسوي لي نفس المشكلة ولا قدرت أحله ...

ٌRoony
شكرا لك ..
لكن أنا ما انسخ من الورد أكتب دايركت بالفتوشوب ولا يطلع زين ..!


Zezo

فرحت يوم شفت ردك قلت شكل هالحل بينفع ..
بس يوم الي اخرت آداة الكتابة وشفت الخيارات الي بالصورة لقيته أساس نفسه ماتغيرت .. يعني على الوضع الإفتراضي
كتبت وطلع تمام ماخرب .. بس يوم غيرت الخط .. وخليته خط ثاني .. رجعت لي الطلاسم من جديد ...!!!!! يعني ما استفدت يا اكتب بالخطوط الإفتراضية الي تجي مع الويندوز ولا أضف وجهي


قهررررر


salohe.net

ماودي أرجع للسابع طيب جايزن لي ذا بس شكلي برجع له مع إني كارهته والله لعظيم قد سوا بي نفس الشيي ..
يعني البلا مب بالإصدار أتوقع كل الإصدرات يصير لهن نفس الشي ...



شاكرة لكم جميعا .......

مشكووورين ماقصرتوا ..
بس هاه علمون به شي زود أسويه .. ولا افقد الامل .!

[kito koroba]

اقتباس: فوتوشوب طلع ( 7 )

انا اشهد

اقتباس: شكرا لك .. نصيحتك .. وإن شاء الله يارب تنحل ..

العفو ويارب تنحل

إذا لقيتي حل قولي علشان تعم الفائدة

تشاااااو