فداك القلب يايمه

[ميدوو]

قصيدة كتبها شاب حصل له حادث سيارة و كانت معه والدته

نتيجة هذا الحادث الوالدة توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه



يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني


التصميم :




وهنا التصميم بعد تعديل الخط





الصور المستخدمة واحده وهي صورة الشاب

بإنتظار ارائكم

[KING BURAYDAH]

أول انا سعيد إني اول من رد ..

ثاني شي التصميم والله رووعـــــــــــــــة .. بس ناقصـة إنك تملأهـ أشياء .. كســـل يصير بس الصووورة وأكثر الباقي أسود ..


والخط .. الحد أحس إنه كثير ما ياضح الخط غلا بعد ما تدقق بالصورة ..

ثالث شي الله لا يحرمنا منك يالغالي ولا يحرمنا من إبداعاتك ومواضيعك الرائــــــــــــــــــعة يالغالي ..

رابع شي وللأمــــــــــــــــــــــــام إنشاء الله ..

[إماراتيه والنعم]

ميدووو يعطيك العافيه

اولاً الله يرحمها ويغمد روحها الجنة

والقصيده مؤثرة


وبالنسبه للتصميم حلو بس الخط لو يكون اوضح عن كذا احسن

ولك مني ارق تحية

[خـــــــــــــــالـــــــــد]

التصميم بلونه الاسود

و بجلسة الشاب

و بالكلمات مؤثر ورائع

لكن...

ظلال اللون او البريق اللي حوله مادري شسمه ... مخلي الكتابه غير واضحه

[>>مــخــربــهــا<<]

[align=center]القصيدهـ جدّا مؤثره

وتصميمك جــسَــدها ولكن الخط يبيله تعديل شويء

دمت مبدعاً[/align]

[ميدوو]

اقتباس:  المشاركة الأصلية كتبت بواسطة Roony1     أول انا سعيد إني اول من رد .. ثاني شي التصميم والله رووعـــــــــــــــة .. بس ناقصـة إنك تملأهـ أشياء .. كســـل يصير بس الصووورة وأكثر الباقي أسود .. والخط .. الحد أحس إنه كثير ما ياضح الخط غلا بعد ما تدقق بالصورة .. ثالث شي الله لا يحرمنا منك يالغالي ولا يحرمنا من إبداعاتك ومواضيعك الرائــــــــــــــــــعة يالغالي .. رابع شي وللأمــــــــــــــــــــــــام إنشاء الله ..

هلا بالغالي اخي روني

صدقني انا اسعد بمرورك وكلماتك الجميله

بالنسبه للسواد الطاغي فهو يعكس ما بداخل هذا الشخص من الحزن وهذا ما رغبت ايصاله للجميع

اما الخط فأنا اتفق معك وقد تم تعديله

الف شكر لك ولتشجيعك ونقدك البناء ياغالي

[ميدوو]

اقتباس:  المشاركة الأصلية كتبت بواسطة إماراتيه والنعم     ميدووو يعطيك العافيه اولاً الله يرحمها ويغمد روحها الجنة والقصيده مؤثرة وبالنسبه للتصميم حلو بس الخط لو يكون اوضح عن كذا احسن ولك مني ارق تحية

ياهلا بأستاذتنا المبدعه اختي اماراتيه

تواجدك وكلماتك دعم لي للأمام

الف شكر لكِ

[ميدوو]

اقتباس:  المشاركة الأصلية كتبت بواسطة خـــــــــــــــالـــــــــد     التصميم بلونه الاسود و بجلسة الشاب و بالكلمات مؤثر ورائع لكن... ظلال اللون او البريق اللي حوله مادري شسمه ... مخلي الكتابه غير واضحه

هلا وغلا بشايبنا

تم ازالة الظلال وتعديل الخط ارجوا ان ينال على الإستحسان

الف شكر لك على تواجدك الرائع على قلبي

[Queen of buraydh]

تصميم مليئ بالحزن

الله يرحمها

وشكرا ميدو

[ميدوو]

اقتباس:  المشاركة الأصلية كتبت بواسطة >>مــخــربــهــا<<     [align=center]القصيدهـ جدّا مؤثره وتصميمك جــسَــدها ولكن الخط يبيله تعديل شويء دمت مبدعاً[/align]

هلا اخوي مخربها

يبدو اني خربتها بالخط الأول لذلك صلحناها بعدين

الف شكر لك ياغالي

[ميدوو]

اقتباس:  المشاركة الأصلية كتبت بواسطة Qween     تصميم مليئ بالحزن الله يرحمها وشكرا ميدو

والحزن هو ما يملأ القلب اختي الملكه

الف شكر لإحساسك بالتصميم

[zezo_1400]

تصميم جميل فعلا
وخياااااااااا رائع ..

تسلم اياديك ياحكومة <<=== نفاق اجتماعي

ملاحظه صغيرة : الشعاع يبيله دمج مع النور اللي مشع حوالي الرجال .. ماركب صح

اجمل تحية

[ميدوو]

ياهلا بالمبدع الغالي

بالنسبه للشعاع فأعتقد بأنه دائما يكون اقوى من جهة المصدر ثم يبدأ يخفت كلما ابتعدنا عنه الى ان يعكسه مكان ما كالأرض هنا فتكون البقعه اكثر وضوحاً <<< قلبها فيزياء ههههههه

هذي وجهة نظري او تخيلي وسوف اجرب اقتراحك فقد تكون على حق

الف شكر لوجودك اخي الغالي زيزو

[عبدالله القيعاني]

عزيزي / ميدوو

التصميم جميل ورائع وما يحويه من معااااااااني للهدف ..
ادعوا الله له بالرحمه والمغفره ..

مااروع الابيات ..........

بانتظار منك ا لجديد والمزيد ..


دمت بكل الوود والاحترام ،،

[إحساس رسام]

والله مميز أخوي ميدو أجل كذا

نبدا نتلهف على مابال يجي تصميمك الأخر ,,