ابيات حلو
حلفت انا بالله وأوفيـت حلفـي
لبكيك عشق ٍ لين أفـارق حياتـي
ويحرم على قلبي مدام أنت ولفـي
مايسكنـه غيـرك أبـد ياغناتـي
اجيك كلي شوق ياشـوق واقفـي
ابـي تحـس بلوعتـي ياغلاتـي
والقاك شوق ٍ هايـم ٍ يـوم تلفـي
واضمك اضلوع ٍ غدت موجعاتـي
تضمني وايديك مـن فـوق كتفـي
الله ياحلـوك يـديـن المهـاتـي
واظم خدك في غرق دمع يطفـي
واحس انا اللي غارق وبه نجاتـي
حلو الشفايف عذبها كـل رشفـي
وحلو الكلام بهمس فينـي يحاتـي
يفضح قليل الشوق وبه شوق مخفي
مطحون ما بين الضلوع برحاتـي
قلبي نزف جرحه من الحب نزفي
نزفـن يهنينـي ولابـه ممـاتـي
صحيح منك الريـق ايبـل نشفـي
ونسمة هواك بريق تروي ضماتي
خيالك بعينـي مـن البـرد يدفـي
وفي هاجسي صوتك حزين اغنياتي
فيني ومني للحـلا فيـه يضفـي
حلو لحـلاك الله يانتـي حلاتـي
كلك حنان وما بعمري قلت يكفـي
الا من بعـادك ابكتـب وصاتـي
اعشقك وعشقي فيك بلقـاه حتفـي
يعني أموت بداخلك عشق وحياتي
اخوكم شااعر الغلاا
العرض الشجري