مهبول من يجرح شعور القوارير
ومن لا يعرف احساسهم مايلاما
جرح المشاعر دون سبه وتبرير
يعّد في عـرف الشريعـه حراما
الله موصينا00 على هالغناديـر
والمصطفى وصى عليهم دواما
هُنّ اللباس وهن مزون التباشير
لا ناض00 براق الثقال الغماما
الله مميزهـم00 بحكمه وتدبيـر
كتلة0 مشاعـر ماتباع وتساما
انفاسهم مثل الورود المعاطير
والمسك والعنبر وريح الخزاما
صحيح فتنه بس بعض الفتن غير
تخضع لها رقاب الملوك احتراما
اوآآآهـ يافتنه يغـرد لها الطيـر
ويجـاوب الحونه هديل الحماما
فتنه الى طلّـت لها الـف تفسيـر
تغنيك عن طـلات بـدر التمـاما
يازينهم لاجـوك يمشو مسايير
ملائـكه0 يمشون بين الاناما
لولا البنات الشعر ماله جماهير
وماكان ديوان العرب له مقاما
معهن فقط للشعر هيبه وتقدير
ومن دونهم مااظن يحلى الكلاما
حتى اقتصادات الدول بالمعايير
تهتز لا سوّو البنات اعتصاما
هذا الصحيح اللي ولا فيه تزوير
ابصم لهم بالعشر مو بالبهاما
خلاصة الموضوع من دون تقرير
واللي ابيه يكون مسك الختاما
دنيا بليّاهم00 ترى ما بها خير
لا والله الاّ قل عليها0 السلاما
صح لساانك ,,,,,,,,,,,,,,,,,,,,,,,,,,,
راااااقت لي
العرض الشجري