حزات احس اني كرهتك ولا ابيك
وحزات احس انك على القلب سلطان
وحزات اشوف الموت لامر طاريك
وحزات احس انك نظر سود الأعيان
وحزات أحس القلب مقفى وجافيك
وحزات احس انك نبض كل شريان
وحزات احسك غربة ٍ ضايعٍ فيك
وحزات احسك ديرتى وكل الأوطان
وحزات احس الشوك جله معانيك
وحزات حرفك يقطف الورد بجنان
هذا شعوري به تناقض يناجيك
يرسمنى بلوحه عتيمه بلا الوان
ان جيتنى مابيك وأن رحت أنا بيك
ياسيد قلب ٍ صرت له دوم عنوان
ياغنوتي متى نفل الشرابيك
كل ماذكرتك صاغ حرفي بالألحان
إلحون قافي لو سمعتيه يبكيك
تبكين ليله والليالي هي أزمان
وشفت القوافي ولًعت به مساريك
وقافي على عجزه ختم فيه سلطان
رااااااااااااااااااااقت لي
العرض الشجري