صادفني بالبراقع واعجبني
واودعن قلبي على حد الممات
صابني سهم العيون اللي رمني
يرسل سهوم المنايا بلحظات
من عيونه يذبحن لا سلهمن
بالهدب فوق المحاجر شاعقات
بالمخاطر يقتلن لا قابلني
ماحلى البراقع على ذيك المهاه
كل شمعات الموده ولعن
يوم شفته من تحت ذيك الغطاه
من نظرها صاح قلبي ضاع مني
ياخذن القلب معهن والحياه
فز قلبي للبراقع ومتمني
تلبسه كل البنات المترفات
للقلوب اللي تصادف ينهبن
يشغلن حق القلوب الخاليات
للكرامه والشهامه مثلن
ياسلام الله على باقي الصفات