الله من ليل سهرته لحالي
يوم السما غيمه يغطي نجومه
نامت عيون اللي من الهم خالي
ماهو بمثلي يحترق في همومه
هم يهدم نايفات الجبالي
والليل طول وأزعجتني حلومه
اي والله أمشي خايف من خيالي
كني مشرد يطلبونه خصومه
مايسهر الا من فقد شوف غالي
يرعى خياله طول ليله ويومه
أثر علي يابوي سهر الليالي
والمبتلي غلطان ياللي تلومه
فضلت عيشي فى الخلا وانعزالي
مجنون ليلى شق قبلي هدومه
لانه تنكر من بعد ماصفالي
ماعاد واجهته ولاجتني علومه