قصيده اعجبتني وضعتها بين اوراقي المبعثرة لانثر كلماتها الحلوة لكم.......
ابوي لآسالته كيف حالك قالي.....طيب
وامي من شروق الشمس لآصاحت .. وش اخبارك؟؟
ارد واقول.... انا طيب
بعيد وخاطري طيب
وياااااااااااااااكثر الحكي الطيب
تناسيت الكثير وجيت ابذكر اطيب الاصحاب..
لقيت جحود!
والتقصير حارس ومن وراه ابواب
وعرفت اني اعيش اوهام عمري ......والحصاد ترااااب
وشفت ان القمر لو لاح فجر في عيوني....غاب
يجيك اللي يجيك واذا بغيته فص ملح وذاب!
انا طيب .. سعيد وخاطري طيب.. وياكثر الحكي الطيب
زماني اه ياشينه اذا كشر....مثل وجه الرفيق اللي خذل وتنكر وقصر!!
زماني كل ماجيت اطلبه "رد الجميل"؟؟... ادبر!
يخاويني على الحلوة واذا جتني المرارة ....فر
غريب اغرب من الطيبه واصلب من المرمر
الا يااااااااسرع ماينسى !! والا ياااااااصعب مايذكر!!
شمالي ........ والكبر عني جنوب
والفكر شرقي وانا في مغرب الايام اسااااافر..لآحق الفرقى
اذا طالت اطاولها
اعاف الدرب والمرقى
واذا حنت اخليها الفرح
وانا السما الزرقا
وسيع البال وفيني هبال
ونفسي من الثلوج انقى
ولي عين تشوف حضور وعين تسلب الفرقى
مجانين الهوى مثلي كثير وكلنا غاوي
احد ماله طبيب اذا انجرح
واحد له مداوي...
واحد تكويه نيران الجفا .........واحد هو الكاوي
واحد تكويه نيران الجفا واحد هو الكاوي.........