[الـــــوافـــــي]

هلا والله كيف حالكم وش أخباركم اليوم جايب لكم شعر على كيف كيفكم




الوقـت هالايام مايحشـم المناعيـر … لاهو على كيفك ولاهـو بـودّك

تصير به اشياء مـاودك تصيـر … والنفس عن شي ٍ يفيدك تلـدّك

اصبر على دنياك لو مابها خير … لاتشتكي حتى لو الوقـت ضـدّك

وان حدتك سود اليالي على الغيـر … لا تطلـب الا واحـد ٍ مـايـردّك

عليك باللـي عالـم ٍ بالمقاديـر … اليا تعبـت وبيّـح الوقـت سـدّك

وان جات للواجب وجا منك تقصير …مالك نعم لو سالم الزير جـدّك

بعض المواقف ماوراها معاذيـر …اما بخـدّ العـذر والا بخـدّك

ومن قدّرك لابد تعطيه تقديـر …ولا تعدّه شي مـن لا يعـدّك

ولا تبرر للفشـل اي تبريـر … افهم وميّز بين ضحكك وجـدّك

للكل ند ولا يجي ندّك صغير … اعرف ترى مقياس حجمك بنـدّك