(2) الفية الشاعر الكبير محسن الهزانــــــي
الف وليف الروح أمس زرناه //// غرويسلي عن جميع المعاني
البا بقلبي شيد القصـــر مبناه //// وادعى مباني غيرهم مرمهاني
التا تراني كل مااوحيت طرياه //// افز لو حلو الكرى قد غشاني
الثا ثلوم القلب ما حد بيرفاه ///// الا ان خلي من عذابه سقاني
الجيم جيته ماتردى المن جاه //// يقول حي اللي عنا وجــــاني
والحا حليه يم نجران مربــاه //// ريم رعى نبت الدعث والطماني
والخا خليلي ماتجرح سطايـاه //// ا بضامري علق شطير العراني
والدال دوك القلب منعقب مسطاه /// جرح ولوجيت الدوا ماشفاني
والذال ذهب الحجول بيمنـاه //// أصابعه تزهى الخواتم ثماني
والرا روايح ريحة المسك ويـاه ///// ريحة زباد فاح او زعفراني
والزاءزبرجمعه ولا احرزملاقـاه //// من ينطحه لا هز رمح يماني
والسن سم الحال والعقل بصبـاه //// ياربع محاحيل تجر السوانـي
والشين شبهته ببكر مربــــاه //// ماتشرب الا در عرب اسمـاني
والصاد صاب القلب با قصى حناياه //// قلت اه واعزاه دمي كسـاني
والضاد ضبيان المها كلها فداه //// ويلاه من ربي بحبه بلانـــي
والطا طويت الياس منه ورجواه /// لو كان ساعفني فباكر جفـــاني
والظا ظلم قلبي بهجره وفرقاه //// قلت الوداع وقال هذا مكــاني
والعين عامين وانا ادور لاماه /// اجيه الى غاب القمر و الهداني
والغين غاب وفسد الترف بعداه //// اجيه حذرا بالغبا والبيـــــــاني
والفا افكر ويش رايه وطرياه //// هوحب قلب ولا مودة لســـــاني
والقاف قلت اقلط وخذ ماتمناه//// ماشاف غطروف صخيف الثماني
والكاف كيفي طاب والحمدلله //// الى حصل قصدي ترا العمر فاني
والام لايمي عسى الويل يجـفاه /// ماشاف الي ربي بحبه بلاني
والميم ما والله لقينا حلايــاه //// لافي البدو يذكر ولا في المباني
والنون نوره من سرى الليل قداه //// مثل الفنر ولا القمر يوم باني
والها هجرني عقب مانيب ويـاه ///// نرتع ونلعب بين ذيك المغاني
والواو واجهته على السطح مرباه //// وسقيت من صافي رهيف الثماني
والياء يسقيني معسل شفايــــاه //// ولو جفيته عايفــه ماجفــــــاني
00000
ومن يعرف عن باقى الالفيات الاخرى يتحفنا بها