الوداع ويكفــــي من كلمــــة وداع
كــل يـوم تـــقول لــي بَاودعــــــــك
بس يكفي يا حبيبي ( م )الضيـــــاع
حنــا ضعنـا من سبـايب مطمعـــــك
حسبي الله فيك مدعني ( ف) ولاع
مـا ترووف بحــال منهـو طاوعــــــك
تقنع فؤادي بكلام امن الخـــــداع
تنتظـــر قلبــــي يحــــن ويتبعــــــك
يا حسافة كيف خانتك الطبـــــاع
وكيـــف صــرت تبيـع أيامي معــك
ترحل وتتركني في هم وجـــــاع
كـالـيـتيــم الــي تلهـف يسمعــــــــك
تهجر الي اسكنك بين الضـــــلاع
ولــي سقـاك الود واحيـى منبعـــــك
آه منــك آه يـا خير الربـــــاع
صرت قاسي ما عرفت اش ضيعك
راح عمري وما بقى من مستطاع
روح دور لــك علـى الـي ينفعـــــك
الوداع وقولي لــك كلمــة وداع
(م)أنت راحــل أَنَــا من بَاودعـــــــك
الله يرحم أموات المسلمين