بسم الله الرحمن الرحيم اخواني وأخواتي : السلام عليكم ورحمة الله وبركاته ................وبعد. (((( هالكلام اللي بين القوسين أدخلته قبل النشر بدقيقه بعد أن اكتشفت ان اخونا الذهبي هو المسنتر وكنت احسب اني اخطيت ...والظاهر ان اخونا المسنتر غير اسمه والا كان مكتوب المسنتر ....المهم اني اكلت مقلب حلو ضحكت على نفسي ...قلت والله مااغير النيه خلها بوجهها يضحكون اخواني وخواتي وهذا مكسب لسرق ابتسامتهم ...والا المسنتر وكلني مقلب مع هالصبحيه فطور طيب يالمسنتر يصيرخير )))) اسمحوا لي أن أتقدم لاخونا العزيز : الذهبي بالإعتذار عن الخطأ الغير مقصود حينما رديت عليه في قصيدة ياعذاب العاشقين وكنت أظنه أحد الاخوان ..... فمعذرةً ياعزيزي ولم أجد أفضل من هذه الأبيات الشعريه التي لم تخرج في اي منتدى اومطبوعه ولم ترى النور بعد ويشرفها أن تكون إهداء مني لاخي الذهبي... (( الإرشيف)) أنا هم السنين وحاصل الدنيا من الهوجاس ############# انا مرجع شقى للي بحث في داخل ارشيفه سقاني وقتي همومي من انهار العنا بالكاس ############# وجمّـعـهن على قلبي ياويّ والله توليفه أحدّ همــومها منّا..تجيني في صليب الراس ############ تحـوس الراس بالهوجاس تطـيّر له تصانيفه علىّ الوقت لا يرحم ولا ياوي يابنت الناس ############ متى الإنسـان لـو مـرّه يجـي ويروّح بكـيفه تحمـلت الشـقى انواع تحمـلت العنا اجـناس ############ تحــداني زمـاني واقف بدربي معـه سيفه وسلامتكم.......... يعلم الله سبحانه وتعالى اني من كثر الردود اليوميه اللي تصل احيانا لثلاثين رد في منتديات متنوعه وألوان متنوعه تطير مخ الواحد.... ولولا معزة أحبابي ورغبه في مشاركتهم لاختصرت على منتديين ولكن عشمي محبتهم فهي كافيه وتقبل من أخيك كل الحب والتقدير ........... مع تحياااااااااااتي ,,,
ادعــو للفقيـــد بالرحمة والمغفرة