يعطيك العافيه يالشقردي...
طيب استلم مني هالأبيات...
صاحبي جيتك وأنا مانيب بعاذرة
..........مير خذ كل الأمور بواقعيه
لك بجد وصدق وضحت المشاعر
..........والصراحة تكشف أوضاع خفية
والله إني صادقه لك وأنت خابر
..........يوم أقول الروح لعيونك هدية
والله انا ماحسبنا للخساير
..........لو تقود النفس لحياض المنية
أنت تنهي النفس ياالغالي وتامر
..........دامها لك والله إني ماعليه
أو تحط بخافقي عشرة خناجر
..........قلت كثر لو مضاربها قوية
بس هي ترضيك قل حاضر بحاضر
..........لاتروح وخاطرك ضايق شوية
تدري إني من أربع شهور صابرة
..........مارويتك لكن عروقي نديه
التسامح شيمتي وانته تكابر
..........وإن جذبتك ماقوتك الجاذبية
يابشر عمر الفتى مرة وعابر
..........لاتمادى فكر بحل القضية
يوم كلن نام أنا تميت ساهرة
..........قمت افكر والقضية سرمديه
لوتجيني وتشوف ويش انت خاسر
........خل اقل حاجه بقلبك مقدرية
شف جريحه دشت غبان المخاطر
..........واشتكي نارك وهي بالفعل حيه
قلبي اللي لك طلع مني مهاجر
..........وروحي اللي من غلاك أمست غنيه
لاتعذبها وطبع الحب جاير
..........ليه تقسي والمشاعر عاطفيه
حلمي بدنياي قربك وانت هاجر
..........يابشر لاتجزي الحسان سيه
ودي اصبر بس ماني بقادره
..........الله اكبر صرت بحبك ضحيه
اتمنى تعجبك
حنونـــــــــــــه 