غالي ويفرق في مقامه عن الناس
وماله شريك بداخل القلب ثاني
مشاعري له صادقه .. مالها قياس
أكبر من وصوف الحكي والاغاني
أحبه .. وحبه مشى بين الانفاس
وما غاب طيفه عن عيوني ثواني
له في ربيع القلب مدهل .. ومجلاس
ومن نهر حبه وسط كاسه سقاني
وأنا لعينه .. وافين كلي إحساس
أعطي حياتي بذل للي عطاني
أفديه .. وأحبه .. ولا يطري الياس
وأصير دنيا للعطاء .. والتفاني
أسمه حفظته زين عن كل الاجناس
وأخفيته بصدري .. وضمه لساني