بسافر بس لو مرة بتفكيرك
وأشوف الناس من حولكْ
مين اللي تحبينه
ومين اللي تجآفينه
ومين اللي إذا جالك تصدينه
بسافر بس لو مرة بتفكيرك
.. وبسأل نبضك الدافي
عن الوافي
عن حروفه ..
وعن حزنك من ظروفه
وعن همك .. إذا ماباح لك مرة سبب خوفه
عن الحرمان .. .. وعن قربه من عيونك
عن اللي صار مجنونك
بسافر بس لو مرة
بتفكيرك
وبسمع بس لو مرة .. تعابيرك
إذا صرتي بلحظة صمتْ
مين اللي تولآها
إذا عينك بكت مرة
مين اللي بكى لجلك وبكَّاها
يابنت الشعر والشاعر ..
أنا الأول وأنا الآخر ..
لكن من يزآحمني
مين اللي إذا مرة نسيتيني يعلمني
ومين اللي يبي مثلي يجيك بساعة أحزانه
بسافر بس لو مرة بتفكيرك ..