ياللي نويت البعد والله مانساك
....................مقوى على بعدك ولا اقدر اخليك
وشلون أعيش العمر من بعد فرقاك
....................دامك شعور احساس قلب(ن) سطا فيك
من قلب أحبك وأعشقك حيل واهواك
....................ملكتني بأحساس صادق يناديك
هوجاس فكري كل لحظة ترجاك
....................لا غبت عنه دايم الدوم يرجيك
أطلب حبيبي كل ماتطلبه جاك
....................أقلط ومن ماي المحاجر أبسقيك
وشهي حياتي دون شوفة محياك
....................تبقى المشاعر في يدينك مماليك
إن جيت والا رحت الله يرعاك
....................قلب(ن) يودك يطلب الله يهنيك
مهمايطول البعد صعب اني انساك
....................يا بلسم اجروحي ترى القلب شاريك