انتظرتك قلت بكره ترجعين
في سلال الورد و زهور الحنان
كنت واثق لا هجرتي تندمين
ملتحف بالحب و فراش الأمان
لين شفتك في شعوري تلعبين
يعني حفله بالجروح ومهرجان
وأنا شاعر لا تولاني الحنين
صرت أغني ليل دان وليل دان
والله اني خايف مضروب عين
حالتي صعبه وشانت من زمان
بس يا أغلى من سكن بالناظرين
ومن خذا في خافقي كل المكان
كان قلبك للوصل عيا يلين
والهجر ماهو ظروف ولا امتحان
أكَــديها بــالحقايق و اليــقين
وأعلنيها وأشعليها شمعدان
قولي أنسى .. كل ابوها كلمتين
وأنا بنسى كن ما به حب كان
تسلم يدينك خيووو على نقلك لهالقصيده الحلوه
تحياتي لك ..