[ALIGN=CENTER][TABLETEXT="width:70%;background-color:gray;"][CELL="filter:;"][ALIGN=center]
[mark=#0a0404]وحده بوحده..
[/mark]
ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر
بالله شوفـي صاحـبـك كـيـف حـالـه
شوفيه فـي غيبتـك وشلـون صايـر ؟!
صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!
يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر
الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر
يـوم الطفـولـه والشـقـا والجهـالـه
يـوم الصغايـر فـي عيـونـه كبـايـر
ايــام كــان معـانـده راس مـالــه
ويسـوق لهـبـال الشـقـاوه بشـايـر
يامـا امتلـى بالحـب والطيـش بـالـه
ويامـا امتلـت مـن شخبطتـه العوايـر
يكتـب عليهـا : ( عااااشقـك للثمالـه )
ويخـطّ توقيعـه : ( جريـح الضمايـر )
يامـا اشتكـاه ابـوك فـي بيـت خالـه
ويامـا تحصّـل مـن هـواك العـزايـر
مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر
ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر
علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر
لاشـافـك يتمـتـم لحـالـه بـحـالـه
لعيـون هالشوفـه تـهـون الخسـايـر
ولاشـاف زول ابـوك حــذّف نعـالـه
الحـب جايـر .. لكـن الـعـود جـايـر
طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر
كنتـي طموحـه .. كنتـي أغلـى حلالـه
كنتـي وصرتـي بـس يـاام الظفـايـر
طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر
لاتتركيـنـه فــي غيـابـك لـحـالـه
بالله شوفـي كيـف هالطـفـل صـايـر
ووحـده بوحـده كـان عنـدك عـدالـه
اتبّطلـي غيـبـه .. و ابـطّـل زقـايـر
[mark=#050202]ســؤال؟!
[/mark]
لاتكّدر خاطـرك ضيقـة حبيبـك يـوم قـال
أيه أحبك يابعدهم بـس أنـا ويـن آغـدي
ضيقتي ماهيب بس اليـوم يابنـت الحـلال
ضيقتي لها ثلاث سنيـن تاكـل مـن يـدي
ضيقتي مافي وفاهـا يابعـد عمـري جـدال
كل ليلـه تبسـط يديهـا وتفـرش مرقـدي
ودي أسكت بس أعرف الحظ لامن مال ..مال
لي متى والصمت ينهش في ضلوعي وجسدي
شوفة عيونك..هموم وضيق خلق وقل حـال
وش أسوي دام حظـي يابعـد عمـري ردي
هي كذا عيشة حبيبك لـو تظاهـر بالكمـال
أقرب أيامـه سعـاده بعدهـا بعـد الجـدي
هي كذا وأنتي بكيفك ..بس باقي لي سـؤال
فيه دمعه في عيونـي تنتهـي أو تبتـدي؟!
كلهـا مابيـن كلمـة روح أو كلمـة تعـال
كلمةٍ منها أضيـع ..وكلمـةٍ فيهـا آهتـدي
هذا كل اللي بقوله..وأعـذري قـل الوصـال
والله أدري بك زعلتي بس أنا ويـن آغـدي
[mark=#0a0505]عين بدوي ..
[/mark]
وأتذكر كيف عشت اللي مضى لي من غيـا
من غيابك لين هذا اليـوم والهـم اسـروي
حالتي صعبه وضيقـة خاطـري قلـة حيـا
منطوي وأحس فيني شـي مثلـي منطـوي
من بعد ماكان هـذا القلـب مربـاع أخويـا
ضاقت الدنيا عليـه ولابقـى منهـم خـوي
هيه ياللي همس صوتك نور..وحروفك ضيا
ليت صمتك موت وأشرب من فراقك وأرتوي
ودي أدري قبل ماأحيا كيف أموت ولا حيـا
كم تعبت أموت وأرجع مثل خلق الله سـوي
يالحقيقه في الزمان الممتلـي كـذب وريـا
مابقى لي غير كلمه قبل ماالصـوت يهـوي
أقسم برب البروق اللـي كمـا مبسـم هيـا
أنك أغلى من بكور الوسم في عين بـدوي
brb
[/ALIGN]
[/CELL][/TABLETEXT][/ALIGN]