[ALIGN=CENTER][TABLETEXT="width:70%;background-color:gray;"][CELL="filter:;"]
[ALIGN=center]
[mark=#0d0505] اخر دروبي ..
[/mark]
يا بشر تكفـون حلّـو عـن سمايـه
ما يصيب الهرج لو الهـرج صوبـي
كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي
عيبونـي واتركونـي فـي عمـايـه
واتركوا لي واحـد يرضـى عيوبـي
اتركـوا لـي واحـد يمسـح شقايـه
كل ما حـط الزمـن دوبـه ودوبـي
ذاك والله لآ ذكـرت انـه ورايــه
اشعر إن الكـون كلـه وسـط ثوبـي
يكفـي انـه لـو يسولـف للمرايـه
كن صوته يهمس لصورتـه.. ذوبـي
كيف أنا مـا أذوب مـا دامـه معايـه
اسمعه وأسهر معـه لآخـر دروبـي
كل مـا قـال السهـر درب الغوايـة
قلت كلـه مـن عيونـك هبّلـوا بـي
وكل ما قـال الخطـا ماهـو خطايـه
قلت له قـل للعيـون السـود توبـي
ضيعتـنـي واســأل الله الهـدايـة
وين أجيب العقل.. أجيبه من جيوبـي
من يعرفـك مـا يـدل العقـل رايـة
يا شروق العمر.. مدري يـا غروبـي
أذكر انك كنـت لـي مثـل الهوايـة
لو تروح ولو تجـي يبقـى شحوبـي
بس مدري كيف صرت اليـوم غايـة
وصرت أجي وأروح مدري عن دروبي
يـا بعـد عمـر الكتابـة والقـرايـة
يا الشمالـي يابـو الملـح الجنوبـي
لا قريـت اللـي كتبتـه يـا رجايـه
رح وبلغ ربعـي اللـي جننـوا بـي
قلهـم يمكـن يخـلـون الوشـايـة
و إن تمادوا خلهم مهمـا حكـوا بـي
أنت خلك بـس فـي الدنيـا عزايـه
لا تفكر في العـواذل وأنـت صوبـي
ادري إن كـل درب ولــه نهـايـة
بس أنا باقـي معـك لآخـر دروبـي
[mark=#0a0505]سحـآبة
[/mark]
جف الكلام ومـدت يدينهـا فـوق : ..
.. أخترت هذي .. وأنت شف لك سحابه
قلت .. ويديني تحتضنها مثل طوق .. :
أختـرت هـذي هـذي أكثـر رحابـه
هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه
هذي هي اللي عرّفتني علـى الشـوق
هذي قدر .. ماكنـت حاسـب حسابـه
قطعة حزن في جيب بالـي ومشقـوق
ومضة فرح في عيـون نـاسٍ غلابـه
أن سولفت فـي ثغرهـا لمعـة بـروق
وإن سرّحت في عيونها صمـت غابـه
واليا اضحكت نورٍ من الفجر مسـروق
واليـا بكـت تحـزن عليهـا الكآبـه
حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"
هالآدمي من وين له قلـب وعـروق؟!
والصبر هالمسكين مـن ويـن جابـه؟
وأنـا أتكلّـم .. ردّت عيونهـا فـوق
ثم تمتمت : من هي هالأكثـر رحابـه؟؟
قلت ويدينـي تحتضنهـا مثـل طـوق
فـي ذمتـي ماشفـت غيـرك سحابـه
[mark=#050202]الغربة
[/mark]
أيـوالله أن شوفتـه تستاهـل عنـادي
اللـي عشانـه تركـت الـدار والتربـه
مااقـول لـك شوفتـه نستّنـي بـلادي
لكنّـهـا يافـهـد نستّـنـي الغـربـه
وش عاد لو قلت عني ضايع وغـادي ؟
وش أبركه مـن ضيـاعٍ دلّنـي دربـه
تبغاني ارجع ! وأنا ياصعـب معـوادي
مـادام همّـي نسانـي وأنقلـع سربـه
الهم هاللي تشـوف انـه علـيّ بـادي
ياليتك تشوف كيف يصيـر فـي قربـه
الله يحـرم ... عيونـي لّـذة رقـادي
أنّي معه .. مااعرف حزني ولااشعربـه
هرجك فوادي وأنـا ياخـوك فـي وادي
الله يخلّـيـك ... حـالـي لاتعّـذربـه
راضي بحالي كذا ... واللي يجي عـادي
لعيون منهو ركـز فـي قلبـي الحربـه
بصوته , شقاوته , مزحه , طبعه الهادي
يملا عليّ الفضا .. من شرقـه لغربـه
يكفيني أنـه غـدا هـو شربـي وزادي
أو تقدر تقول أنـا اللـي زاده وشربـه
ياخي أذا الحب عيب ! فشفني آنـادي :
سجل ..... أنا من عرف عيبه وجاهربه
وسجّـل هنـا كلمـةٍ تستاهـل عنـادي
بقولها قبـل أسافـر وأتـرك التربـه :
والله ماأقسى من الغربـه عـن بـلادي
الا .. شعوري وانا في بـلادي بالغربـه
brb
[/ALIGN]
[/CELL][/TABLETEXT][/ALIGN]