أذكرك ، وابلل بدمعي .. طريقي !
....................... وآخذ من الليل ( آه ) وما أنام !
وانده لـ تنهيدة المشتاق : فيقي !
........................ وتيبس أطرافي ولا يبقى حمام !
والغمام اللي أبيه يفكّ ... ريقي !
................... ينتظر مثلي بعد .. " جيّة غمام " !
هاجسك لاراوده همي وضيقي
..................... قلي إن الموت هو مسك الختام !
وإن غرقت هناك قلي : ياغريقي
.................... لايموت الحلم في قلبك .. حرام !
منيتي، والوصل هذا مو حقيقي !
...................... منيتي، والشعر هذا .. مو كلام !
أزفر عيونك .. يجاوبني شهيقي !
.................... وافتح عيوني و يلفحني .. ظلام !!
وصوتك اللي قال للنسمات ضيقي
.................... فتّح عيوني و .. خلاني و .. نام !!