سجلت إسمك في سجلّ الوفيات
ضمن الذي من ( عين الأيام ) طاحوا
ماعاد تفرق راحت أو مابعد جات
دام المواجع بالطعون .. إستباحوا
وإن كان قصدك بالجفا تجرح الذات
قبلك كثيرين إخذلوني و.. راحوا
للجرح ،، لدروب الحزن ،، للحكايات
للضيق ،، للهم ،، إتركوني و زاحوا ا
لله يسامحهم على كل مافات
يومي رجيت الوصل منهم و.. شاحوا
من عادتي لا رحت أنا اروح بسكات
مابحت سري يوم الأحباب باحوا
وإذا على الفرقى ترى القلب مامات
ولا باقي إلا دمعتيني و.. ساحوا
تسجل إسمك في سجلّ الوفيات
ضمن الذي من ( عين الأيام ) طاحوا