[كروومه]

-

يا ضحكة الورع مدري وين شايفها
ان كان ماني متوهم ضحكة فلانه
غمازته شفته تشبه شفايفها
وعيونه عيونها يضحك ونعسانه
والله يا ضحكته عجزت اطوفها
هاللي شغلني معه من جملة اخوانه
وقفت والنفس ما بدت حسايفها
ضيعت وقتي غصب كله علشانه
ابنشده والبشر تتبع ولايفها
يلعب طرب بالملاهي بين ورعانه
صديت والعين ما تنسى وصايفها
هاذيك نفسي عليها حييييل شفقانه
والنفس الي تحلفني واحلفها
حاولت اشكك وهي ماهيب غلطانه
تقول هالورع والله من خلايفها
واقول ربي خلق اشباه سبحانه