قصائد الزجل اللبناني من اجمل الالوان ومن يستمع لها يعرف ذلك جيدا
اليكم مختارة
كانو عيوني يفرحو ويكيفو
واليوم لا انضافو ولا عادو يضيّفو
طارو العصافير اللي كانوا بالقفص
مدري عا ايا غصن راحو يصيّفو
يا حولة الحلوين يا قطرة ندي
كرمالك العصفور عالشجرة غدي
لا ينشغل بالك ولا تتعقدي
ان شفتي البصدري كان يخفقلك هدي
متل الجمر بيفيق من تحت الرماد
كل ما الهوا تغلغل بقلب الموقدي
هالحلوة المن خدها فاح العبير
وشفافها انعم وأنهى من الحرير
وعاشعرها البيموج موجات الغدير
كل ما الهوا بيمر بيبلش يطير
كيف بقدر:
ومش تاركتني للصلا افضى كتير
وكل يوم عينيها عا قلبي بيفطرو
وكل ما أنجرحت بعيّد العيد الكبير
لا تمنعو الحلوة ألانا مجنونها
تتمرد ويطلع عليي جنونها
القلب البدون جروح جسم بدون روح
والجرح طيّب من سهام عيونها