[طبيبة القلوب]

يامل قلبٍ -- منطمس بالشقاء طمـس
طمس العمى-- يوم انعمى فـي شبابـه
نفسي تكلمني-- وانـا اكلـم الهمـس
همس السجين اللي-- تجـرّع عذابـه
مدري هبل-- ولا العقل صاربه-- لمس
ولا الشعر-- يجـذب جنـون الكتابـه
ولا الحزن-- لاقلت له-- كافي الحمس
قال الدموع-- اليـا عطشنـا شرابـه
كن الشقا والضيق-- في موقع الشمس
قلبـي (عطـارد )عندهـا وش بقابـه
الضيم فيني-- منغمس بالحشا غمـس
اشهق ضباب الضيم-- وازفر سرابـه
ياتـل قلبـي-- تلـة القـرم للجمـس
حمولتـه حمـل الفـشـق مارمـابـه
العيشه اللي حدتـه-- للشقـاء رمـس
رمس القلوب اللـي-- عزيـزٍ جنابـه
ابعثر الغاز الحزن-- وانثـر الخمـس
خمـس الحـواس الملهمـه للغـرابـه

للشاعر..يوسف العبيد