يا عمري . . أبطى الفرح و الروح [ موجوعه ]
و الجرح مسموم . . يسري يـاكل احشائي !
لو صحت . . صيحة خفوقي غير مسموعه
و لو بَ أسكت تموت فيني خيرة أشيائي !
يا طول ليلٍ كذب ! مـا تصدق شموعه
و يا خيبة اللي حلم في عمر عشوائي !
سكين غدر الحزن / بَ الصدر مزروعه
و أحسها من وفاها . . تشبه اعضائي !
حتى لو القلب هاض / و سالت دموعه
تمسح له دموعه و تلعن لي أعدائي !
كنت البياض ! بِ ليالي عيد مفجوعه
من قبل لَ أكبر خذاني الموت تلقائي !
حرماني أكبر من احساسي و من جوعه
و اكبر من أني بَ أقول آلآمي [ و دائي ! ]
مديت يدي لِ قلبك . . جات | مقطوعه |
و احترت من غيرها كيف أجمع أشلائي !
أنا أعظم من التعب / و أكبر من جموعه
و أتبع سرابي . . و لكن وين بيدائي ؟ !
تاهت بي دروب عمرٍ . . كفّر رجوعه
و يخنقني الضيق لو وسعت بي أرجائي !
[ الوله ]