[خالد اليحيى]

عمرك عطه غيري انا ما ابي اعمار
وقلبك على كرسيّـه العاج خله

ايدك على الديباج وايدي على النار
هرج الخلي يا مهدي العمر ( علة )

خذ من غلاك بداخلي اي تذكار
أو ردّ قلبي لو سمحت لمحله

أنا كرهت البنج في كثر الاعذار
أنا أموت ولا أشمّ المذلة

كانك قريت الشوق بعيوني اصرار
والا فهمت ان انتظاري تولّـه

تراك واهم مفترض شي ما صار
لازم تعيد حساب الاحساس كله

أنا شعورٍ ما توصّـفه الاشعار
وانا اعتدادٍ ما تخطراه زلّـة

صدري قرار البير لهموم واسرار
تشرب قراح وتامن وتستظله

بين قلمي واحساسي تعيش الازهار
وانا اكتب لكاديه واكتب لفلّـه

احساس حرٍ ما تحجّـمه الاسوار
ولا به شبه من شي لو كان ظله

ان كان بوحي يطربك دوك الاوتار
اعزف بها للبنج والشكوى لله .