[القلم الماسي]

[frame="7 80"]

كونك تحارب بالخفا مـن ورايـه
وقبالي تسكت ذا دليل انتصـاري
جاهز لك الليلـه بكامـل قوايـه
بعلمـك وشلـون رد إعتـبـاري
لا لا تقـارن نفسـك بمستوايـه
للخلف در وإبتعد عـن مسـاري
ماني محارب شخص أبغى ولايـه
هل من ولايه تقتدي في قراري.؟
عشان لاسالت دمـاء الضحايـه
أقدر اسميها "بـذات الصـواري"
أنا يمينـي فـوق تلمـس سمايـه
ماتهبط إلا فيه شـي إضطـراري
حتى ولـو تهبـط فـإن البدايـه
تستوجب إبقاء السما في يسـاري
فلتـه ومتعلـم وفينـي هـدايـه
صايم وأصلي واحفظ حقوق جاري
بس إني لاحسيت خبـث النوايـه
الله وكيلك كيف اصير إنتحـاري
ياصاحبي إفهـم اصـول القرايـه
حتى تعجب المستمع وانت قـاري
جب لك ثلاث قلوب بقماش رايـه
وستين مشرط معهن عيار نـاري
بعطيك دكه مـخ تنهـي الخلاايـا
ياما سكتّ وطال صمت إنتظاري
اللي تخصـر بالحـواري عبايـه
عشاقها نـاسٍ تلـف الحـواري
ولو السفر مابه شـراب وصبايـه
اقطع يميني كان للشـام طـاري
يلزمك إعاده برمجه مـع حمايـه
حتى يزين أسلوبك اللا حضـاري
هذا قراري: وإفهمـوا ياصدقايـه
إن كان فيكم شخص يفهم قـراري
وإن اذبحوني بالغدر مـن ورايـه
قولوا لـفهد أخوي ياخـذ بثـاري

[/frame]