[المستشارَ]

للحزن سلطة في قلوب المحبين

. . . لا فارقوا من غير رجعة (حبايب)


يطول عمر الضيق بالصدر (ويبين

* بالوجه) شيء من عطا الوصل غايب


أتلمح العبرات وتصرح العين

. . . ويقول جرح الهجر مانيب طايب


لي كم يوم خاطري صاير ٍ شين

. . . وجه السعة فيني من الضيق هايب


عيشني الهجران حال المساكين

. . . ويا كيف يزهد بآخر العمر شايب

ضايع وادور بالمتاهة عناوين

. . . والياس يرسم لي قبور ونصايب



اروح من حزني بضحكي على وين؟!

. . . وملح الفرح في بحر الأحزان ذايب


ما من هروب يسار والا من يمين

. . . هبت علي اشجان عمري هبايب


يردني عن موتتي وازع الدين

. . . والا الحزن بالصبر ماهوب تايب


يا قلب جاهد حارب الزين بالشين

. . . ضني بعزمك ما رجع يوم خايب


مأجور ، درجها عسى ربك يعين

. . . هذي هي الدنيا متاع ومصايب