[قـتـالـه]

وينتس يازينب
والله ياانا ربعت بذيك السنه ..,
نقلت عندنا موظفه جديده
وماصار لها اسبوع تداوم الا وهي طايحه بدباديبي ياحزني :/
اذا تكلمت سكتت الباقيات وحطت يدينها على خدودها تسمع تغريدي
ماتبي يفوتها كلمه !
ولبديت احكي عن المفروض نصير عليه من بكره وهي تنفذه
حكيي عندها فرمان ملكي
وبذيك السنه عرفت من الشكاليط اشكال وانواع
تجيبهن وتكبهن فوق مكتبي ..,
ومستحيل تصب قهوتها الا وهي ماده لي الفنجال انا الاوله رغماً عن وجود مويضي
امنا وكبيرتنا :/
وللفطور معنا قصه !
تعيي آكل من الكافتيريا حقتنا .. تطلبلي
وبديت اتعنفص على كودو واقولها غيريه يختي حامت تسبدي
وياشيب عيني احيانا تخلي رجلها يمر يجيبلي
خبز مصري وهم بطريقهم للدوام
احس انه يقول ياعساها للمر هاللي اشقتنا


ولكن ضربة القدر لهذا الاعجاب بالمرصاد !
انقلوا رجلها وراحت

وللحين تكلمني واتفشل وانا اقولها فقدت فطورتس بنفس
الوقت اللي هي تقول ليت من شافتس