[أزرق مرح]

@ في البداية تحياتي وتقديري للجميع وسعيد بتواجدي بينكم ،،والشكر موصول لأخي
(shaheen ) وكل الأخوة والأخوات على إطرائهم ،،وعلى طريق الحب دائما نلتقي .




ريلاكس الهلالي


س1 / خلآل مسيرتكِ فِ الرسم الكاريكآتيري , قدِ جتك مره من المرآتِ رديتِ على كآريكآتير من شخص ثآني ؟
خلِني اوضح اكثثرِ , يعني صآرت زي الهوشه بينك وبين رسآم ثآني وتردون على بعض بالرسم ؟

مهما اختلفت مع أي شخص تبقى ساحة الجريدة ليست البيئة المناسبة للرد والنقاش .



س2 / من متى وانت كنت ترسم ؟ وهل دخلت أمآكن تطورها لك ولآ طورتهآ بنفسك ؟


بداياتي كانت ايام الدراسة في المرحلة المتوسطة من خلال المراسلة ،،، واعتمد على نفسي في تطوير ذاتي من خلال متابعة الكاريكاتير المطروح في الصحافة المحلية والقراءة في هذا الفن من المتاح في المكتبات في ذلك الوقت ،، وبعد ذلك جاءت المرحلة الجامعية ( التربية الفنية ) ثم الدخول في الصحافة عام 1412 هـ في صحيفة الرياض ثم الإنتقال الى صحيفة الجزيرة 1419. وما زالت اتعلم واكتسب الخبرات .






"رنة خلخال"


هل يواجه رسام الكاريكاتير اي ضغوط من رؤساء التحرير بسبب رسوماتهم او بالاصح هل تفرض الجريده على الرسام ما يقوم برسمه . . ؟


الحرية هي البيئة الحقيقية لأي ابداع ،،، ولا يمكن لأي صحيفة أن تفرض مسار لمحرريها وخاصة انك تتعامل مع صحيفة ليست وليدة سنة ..ولا سنتين أنت تتعامل مع صحيفة لها أكثر من نصف قرن .رجال يحترمون العمل الصحفي ويقدرون حرية التعبير.


هل تم منع بعض رسوماتك من النشر. .؟


على مدى مسيرتي الصحفية في الجزيرة ،، فعدد الممنوع من النشر لا يتجاوز اصابع اليد الواحدة .






SAM6


س1- تشوف الكاركاتير اللي يواكب الحدث , نقطة قوة او ضعف بالنسبة لرسوماتك
. يعني الكاركاتير يكون بلحظتها ويناقش حدث الساعة حاليا ً .
الي اقصده تتوقع الكاركاتيرات هذي ما تفقد بريقها بعد مدة . وتصير غير مفهومة للمتابع بعدين؟؟


الكاريكاتير المواكب للحدث هو الأقوى بلا جدال ،، وهذا هو لب العمل الإعلامي الناجح .فالعمل ((الطازج)) هو الذي يصل .



س2 : تواجه اتهام بأنك متخصص بالبلوي منصور واعضاء شرف النصر , والاصفرين عموما
ً. هي هي( سياسة جريدة) او انها (توجه شخصي) منك ؟ او ان( الحدث يفرض نفسه) ؟ تعليقك (بالتفصيل الممل)


لست متخصص في أحد ،، ولا هي سياسة جريدة ولا توجه شخصي ،،،انما ابحث عن الحدث في الساحة ،، بعيدا عن (الشخصنة) الكاريكاتير الأمريكي مثلا تجده يجسد شخصية الرئيس في اكثر من عمل وبشكل يومي احيانا وبالتفصيل وهو لا يعني ان الرسام يحمل خلاف شخصي مع الرئيس!! بل هو خلاف مع بالموقف وادارة العمل ،، هذا هو دور الكاريكاتير.






بسطاويسي بيه


مقص الرقيب وش وضعك معه ماقد وقف لك شيء واذا منعوا لك شيء وش تسوي تغير ولا لا ؟
لك رسمات قويه ماقد وقفوك أو حاولوا يوقفونك ؟


مقص الرقيب موجود ،، لكن مع الخبرة ،، يقدر الواحد على (الشقلبة ) و(القفز )!!





shining


هل سبق وتعرضت وبصراحة لاي ضغوط او تهديدات عشان رسوماتك ؟
افكار الكاريكاتير من وين تجيك بالغالب ؟


الضغوط موجودة في كل بيئات العمل ،،، و الأفكار تأتي من معايشتي للأحداث التي نعيشها وقت المباريات!! وما يجري في أروقة الأندية!! .







غير البنات



كم تأخذ وقت علشان ترسم الكاريكاتير ؟


على حسب كل لوحة لكن في المتوسط من ساعتين لأثلاث ساعات رسم .لكن مهمة تحضير الفكرة تأخذ أحياناً لأربع ساعات أو اكثر.


وش الكاريكاتير اللي رسمته وحسيت انك تميزت فيه ؟


والله يصعب تحديد كاريكاتير بعينه ،، لأنني اتبع سياسة الكاريكاتير (الاخير) ،، وأعني أن كل كاريكاتير يعتبر لدي هو الأهم والأغلى .






الملك ياسر.


بعض الكاريكتيرات الي ترسمها تكوون قوية بحق الغير , هل تواجه مضايقات بسببها ؟؟


القوي يستحق القوي.







شايب عزوبي


بما ان حبيبنا دايم يرسم عن الفقراويين هل حصل مره من المرات جاء له تهديد بالمنع عن الرسم ؟؟


( منهم الفقراوية ؟؟)ما فهمت!!






كوبليهـ


بصصراحه فيه ررسمه رسمتها وندمت انها نششرت اذا ايه ي ليت توضح اي رسمه؟


نعم ،، لكن اسمح لي لن اذكرها.






E s s e n c e



س / وش هي طقوسك لين جيت ترسم الكاريكاتير ؟
يعني تجلس فـ بيت الشعر بـ دلة القهوة وترسم ولا شلون ؟


عندي مكتبي فيه اغلب الصحف وجهاز اللابتوب وشاشة الرسم وأهم نقطة الهدوء التام عند التفكير والبحث واختيار الفكرة ،، .

س / كاريكاتير لا زال عالق بـ ذاكرتك مع أنه قديم شوي .. ياليت برنت له وتذكر لنا وش كانت مناسبته .. أدري بـ تقول فيه كثير بس يعني اختار لنا واحد


يصعب تحديد كاريكاتير واحد،،، أنا ارسم في السنة 240 كاريكاتير !!وتقريبا رصيدي الى الآن 2800 كاريكاتير !







Fawaz al-Baqawi


من أفضل لاعبي الهلال المُحبيين لديك بتاريخ الهلال؟
.

يوسف الثنيان / سامي الجابر / ياسر القحطاني / محمد الشلهوب




شلهوب سدير


وش آفضل وقت للرسم بالنسبه لك؟


جميع الأوقات مناسبة لكن افضل بعد المغرب.






أسمآء


- الفكره اللي ترسم من خلالهآ الكآركتير , تستوحيهآ من مخيلتك أو باختيآرك
أو إنك تعطي نفسك المجآل لسمآع آرآء ومقترحآت الآخرين من حولك ؟


الأفكار من مخيلتي وما فيه مجال لسماع مقترحات من الغير أنا اعمل في صحيفة يومية تحتاج سرعة الإنتاج.



حدث ريآضي تمنيت إنك ترسم على أثره كآركتير ومآقدرت ترسمه ؟


إلغاء عقد كوزمين






تسعطعش !


هل كانت لك تجربة في كتابة المقالات ؟ إذا ايه عطنا المقال إذا سمحت ..؟


الكاريكاتير أخذ مساحة كبيرة من وقتي ،، فيصعب علي كتابة مقال .







سكوتي يذلك ..}


ومانبي نشوفك تعتزل السآحه الجزيره ماتسوى بدونك والله ذبآتك تبرد التسبد ..


جميع الزملاء فيهم الخير والبركة والاعتزال أمر وارد .







Ro7 alwfa


*هل من يوم بديت ترسم وأنت متخصص بالكاريكاتير الرياضي ؟


لا البداية بالكاريكاتير السياسي فترة بسيطة ثم الإجتماعي ثم التحول للكاريكاتير الرياضي .







فتـــآة !


س1 : هل حصل لك موقف طريف في إحدى كاريكتيراتك المميزة ؟!


المواقف كثيرة لكن لا يحضرني شئ الآن



س2 : أي كاركتير عندما رسمتها ضحكت بعمق ..؟!


الفكرة اللي ما اقتنع فيها ..ما أرسمها .







zizov



وش النادي اللي تشجعه (عالميا) ؟


(عالميا ) حقتهم ؟؟ ولا (عالميا ) الصدقية ؟؟





Dr . 5 R M A N


تحضر مباريات الهلال في الملعب , والإ تشوفها في التلفزيون ؟


احضر المبارايات المهمة ،،لكن افضل الجلوس بين الجماهير !



بما أنك هلالي مخضرم , وتقريبا أقدر أقول أنك متابع ممتاز للبيت وش أسباب الإخفاق الهلالي في البطولة الأسيوية ؟ يعني وش اللي تغير عن أيام المجد الأسيوي للزعيم ؟


الإبقاء على مدير فني راحل.






mfd .. }~


سوآلي هو , كد وآجهك يوم بصعوبه انتاج فكره للكآريكآتير .. وإذآ ايه , وش سويت وقتهآ ؟


اطلع لتشليح الحاير !! .



لك علاقه مع لعيبه الهلال القدآمآ او اللحين ؟!

العلاقة مع الجميع ممتازة






مطبخية..!



س1/وش تقول للي ياخذون رسومك ويعدلون عليها؟


يارجال اخذوا (بطولات) بدون وجه حق !! ماتبيهم ياخذون كاريكاتيرات ؟؟.


س2/ليش ماتعلق على رسومك في موقع رسمي لك لان 10%منها ماتنفهم؟


اذا علقت عليه فقدت قيمتها ،،اهم شئ ما توصل النسبة (لعشرين) في المية!!.