من فراغ الذات جيت افرغ همومي ألم
من سكون الذوق ما حسيت في ذوقي طعم
من ومن من من ومن وشووو بعد
وين يا وجه السعد
وين رحت ووش تركت ووش سمعت
كنت بعيوني لصورة ماضي الأيام دانه
كنت في قلبك لقلبك يا بغيت تدوخ حانه
كنت كنت ووش تركت
ما تركت الا بقاياي وهربت
في فرح عمري هربت
وحتى في حزني هربت
اتشكل لجل اشوفك غير عن كل الهقاوي
وارجع ارجع واتهقوى فيك من دون الرجاوي
يا شقاوي
ما دريت اني على شانك حرقت
ما دريت اني على شانك سرقت
ماديت ان المولع لو شكى للناس يتعت
إيه يتعب
ما تشوف إرهاقي بشعري وفكري
ما تشوف إجحافي بفكري وشعري
ما تشوف انك تسلطت وتركت
تركت
تركت
------------------------------------------
وش تركت
وش تركت
وش تركت
هذا رد الصوت يرجع لك جوابه
يرتطم بجبال إجحافه وجفوه
والجبل.. ذاك الجبل
كله إذلال وغرور
ومن سخافات الوقاحة حول هذاك الجبل
لوحة (( ممنوع المرور ))
كش.. مالت.. وش عليه..!!!
الجبل.. ذاك الجبل
يا قرادت من يبيه
خلنا من هالجبل
لكن أنت
يا عذاب الصمت.. يا حزن السرور
أنت وش بك
ليه في كوبه إمحصور
ليه تتشكل لجل بس تلتقي به
أنت شكلك إنتهيت
خلنا من ناس تقرى هالخواطر
في ولعها.. صاحبي قل وش لقيت
باختصار
أنت انتهيت
يعني!!.. نقطة في توالي هالسطور.
تعطي وتعطي وتعطي
ورغم هذا ما تبيك
روّح ودور خجلها
ولو سألتن عن جبلها
الجبل هذا بقايا من فشلك أو هو فشلها
الصخر.. هذاك قلبه
والسواد.. الوان نياته وكذبه
ورتفاعة.. استحالة للوصول
أقصد إنه استحالة للهطول
لا هي تمطر لك صبابة
ولا تحقق لك وصول
تقفي وتغفي وتقفي
تغفي وتقفي وتغفي
وتنطوي ذيك السنين
طيّت أوراق الخريف
بين قلبي وبين قلبك (( يعني قد مات الرفيف ))
وفجأة تفتّح عيونك
وقّظه صفعة زمانك
ومن قهر شخصك عليك
للأسف تبكي زمانك
هذا جانب من سبايب هالحريقة
صرت تحرق.. صرت تحرق
لا ذكرت أرماق ريقه
صرت تحرق.. صرت تحرق
ولله يحزني.. إليها لا سبيل ولا طريقة
وصرت تحرق.. صرت تحرق
من كثر ترديد ذيك الأسئلة
ليه ووين وكيف ومين
وفي نهايات المطاف.. كل أسئلتك تلاشت
غير هذاك السؤال
وصّلك حد الهبال
كيف في لمح البصر
راحة سنين ٍ ثمان..!!!!!!!!؟
يا ألم ذيك الثمان ويا شقى هاك الثمان
ياخي يكفي.. ياخي يكفي..
مل منك السولفان
تدري وش أصل العذاب
أسئلة ماله جواب
وتدري وش طب الصواب
لنتحر ذاك السؤال من على قمت عقل
لا قنعت إمن الرهاف ومن تناهيد و مقل
وقتها ترسي السفينة وتاصل لشط الأمان
ويدلهم السمت وينزاح الجنون
والسهر يجفى الجفون
(( لابو جدك يالعقل ))
هذي جملة دايم ٍ حنا نقوله
بس بأوقات الهياظه
لما نكذب.. إيه نكذب بإنه صح الله بياضه
وقتها يسافر شجونك بك هناااااك
وترسم أحلام هناك
ترسمه بلوحة خيالك.. بإنها مصدر هَناك
وإن لك شخص يحبك وأنت في ظمه مناك
وتدري وش هي إتركت لك...!!؟.شي بسيــط.
في بدايات التعارف فيه نشوه
وكانت سنينك أمامك
وبالنهاية فيك حسره
وصارت سنينك وراك
شفت كيف!!!
لا كلامي ولا كلامك
حطها عيوني بعيونك
بان فيها الاعتراف
شوف نفسك.. جمع أشلاء ارتطامك
شوف نفسك للأسف مايل سنامك.
وأنت للحين إتسائل..؟!
هيه قلي وش علامك..؟
وش علامك..؟
وش علامك!؟