مافهمتك .. من وراك !!
من يحدد لك خطاك ؟
خوفه ان احدن معاك
وانته ابعد من لقاك !
يا دفا شمس الاصيل
في مسا يتلاه ليل
يزرع الغيمه بعين
وينشر العتمه بعين
في شتا الوجه الحزين
تنزرع مسحة انين
انت يا بسمة زهر
يا شذا رشة عطر
من هو حدك عالسفر
والغياب المستمر
خوّفك بعد الامان
ارهبك بعد الحنان
ذوّقك غدر الزمان
واسلمك للارتهان
كنت حر وكنت امير
في الفضا مثل العبير
لا قيود ولا خفير
جار للبدر المنير
مافهمتك يالقدر
يوم برد ويوم حر
كلما قلت استقر
ضاع في موجة بحر !!