مو معقولة تجي منك وترميني لاي انسان
يلملمني ولا يلقى فعيوني غير دمعاتي
انا ماصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتاء يوليد وانت ابداخلي دفيان
تحملت الاساء والضيم عشانك يابعد ذاتي
وصحابي البرد واللاهوب وانت ابداخلي غفيان
تحملت السنين او قلت على الله تلملم اشتاتي
انا امك ياهيييييييه امك حملتك والعذاب الوان
ولدتك والالم سكين يركز داخل الهاتي
وان اثناء الولادة من بكى صوتك ضعنت احزان
لاني شفتك ابصوتك تنادي كل طموحاتي
ومهدت في عين اوعين يشرف بعزها القران
وهزيتك وكان النور يتهزهز من ادعاتي
اضمك في يديني لاتجي وتقول انا بردان
تركت البرد لضلوعي رح انشد رعشت اشفافي
وزولك من ركض فيني لمست ابداخلي اوطان
وتركتك تبني ابمجدك على كتف انكساراتي
كبرت وصرت في اعيوني شجاع واشهم الفرسان
وحلفت اني على عرسك لارقص كل شيباتي
اسولف للبشر عنك اقول ولابها أي نقصان
رضع عز الشهامة شب طموحه في معاناتي
وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي ي
يقولون الولد هو خان اقول اوليدي لا ماخان
وهم يدرون ما غطى منامي غير وناتي
افاااااااااااا وشلون تتركني يكحلني عمى النسيان
وانت ادرى فيوم الحشر جنه تحت خطواتي
لك الله مانطق صوتي لك الا بدعوت الغفران
ولا كل خوفي من حزني ومن دعوات عبراتي
تجين اليوم يا وليدي وباكر بالاسف تندان
ويرمونك مثل امك وتذكر حلم شيباتي
وتذكر حلم شيباتي وتذكر حلم شيباتي
خالد المريخي