هذا انت و إلا طلوع الشمس
يا حي هالنور و اليمه
عليك يحمس قلبي حمس
يا وجد عيني على اللمه
أبطيت و الوقت من قبل أمس
ما عاد يخجل على دمه
و أقبلت للخاطر اللي عمس
تهدي له العيد و تضمه
ما يطمس الهم كله طمس
كود الغلا اللي على الذمه
يا ورد يثِّر عليه اللمس
طول العمر ليت من شمه
احتجت حب و صباح و همس
و وردتني صافي الجمه
و ارتاح كفي بذيك الخمس
راحة رضيع بحضن أمه
للشاعر المبدع _ شاعر الأندلس _ : ناصر القحطاني
نقل : فهد الأحمد