الحقـي حبك وشوفي كيف برق الشوق لاح
*** ثـورة اشواقي خـطـيـره ماتـقـدّر في زماني
ارجـعي مـادمـت احـبـك دام قــلبي لك متاح
*** دام لك عـنـدي قـبـول ودام وقـتـي مانـهاني
الهجر ماعدت اطيقه والصبر من قلبي باح
*** ليه نبعـد عـن بـعـضـنـا وحـنـا كـلـنـا نعـاني
يـكـفـي اعـنـاد وتغـلـّي كافي تقليب الجراح
*** ادري زولي في خـيالك مستحيل إنه نساني
وادري إنك مثل حـالي ساهره لين الصباح
*** وادري طيفي في منامك مثل ماطيفك لفاني
للسّبب هــذا طـلـبـتـك لا تـزيـديـن الـجـراح
*** دامه ثارالشوق فيني احفظي صادق حناني