كالعاده أبتدي بالرساله : اقتباس: السلام عليكم اختي الفاضلة ياخيتي جيتك مظطرة وأبي منك مساعده خاصة احد المشرفات بالمنتدى دلتني عليك ومالك إلا الأجر وتعرفين رمضان قرب والرجل تعرفين يحب التشكيل وأنا لسا عروس ما طبيت المطبخ من قبل ولا أعرف ومتفشلة منه حيل ,وأخاف أقول لأهلي يقولون لي ساده دبريني ياويل حالي الله يخليك ويسعدك ويجزاك الجنة وأبدعيلك كل مغرب عند الفطور.. وحمولتنا عندهم سواق وفلوسي والمة بس أبغى تدبريني بطباخه تطبخ لي كل يوم جاهز العصر ترسلينه لي وهنا رده : وعليكم السلام هههههه لا ما يصلح غش , ما قدر اساعد البنات المدلعات عند اهلهن >>خخخخخخ امزح معك يا قلبي شوفي واحده عندنا عضوه اسمه بنت نشميه اطلبي منه من اللحين علشان تفرزنينهن بالفريزر وإذا جاء رمضان ما غير تحمير شوي بالفرن او قلي ... انتهينا : اقتباس: أختي الفاضلة أشكر لك تجاوبك ويسعدني أنك كنت ضيفة معي في برنامج ((احلى الصيدات للأعضاء والعضوات)) الذي سيتم عرضه قريباً على قناة منتدى بريدة في قسم رمضان إن شاء الله وقد كان هذا اسلوبي مع عدد من العضوات في البرنامج .. عموماً هل تسمحين لي بالنشر معك العضوة : مسرعه بشويش ملاحظة : ياليت يكون بيني وبينتس حتى نكمل المشوار ولا تتسرب خطتنا وأشكر لكم تعاونكم اقتباس: ههههه هين يا بشويشه بـترد لك الصيده النعومه <<ما تسنه صيده وش دعوى مسموح لك بالنشر يا بعدي وأبشري سرك ببير ..