للمفارق مواجع وللمسافه رحيل
وفي معاناة دربي خافقي مانساه
من حمول الثقيله كم ياقلبي تشيل
كل ماأقول هون قلت كللي فداه
اشعل الحزن فيني كل نار وفتيل
لين شفت الاماني تحترق في لضاه
خيم الصمت فيني والمدامع تسيل
وزودالبعد حزني لين عدا مداه
اذكرك كل ليله عند وقت الاصيل
ويحتضني خيالك وارتقي في سماه
لك بقلبي محبه وفي عيوني مقيل
وانت اغلا الاماني وانت نبع الحياه
روف بي يازماني كم تجرعت ويل
يوم قلبي عشق طاريه واعلن هواه