اسمحيلي هالسؤال . ماقويت الأسئله
دهشتي تكبر وعمري في مسيره يتبعه
وين انا؟ وهذي جروحي ماقدر من يدمله
وين انا؟ وهذي عيونك مل رمشٍ ترفعه
افتراضاً ! كيف شعرك كبر قيد الأنمله
لون الليل وكساه في سواده وأهجعه
ولوسمحتي . ليه عطرك اعرفه ثم اجهله
اجهل انه بك تعطر وادري لو انك معه
وليه لو كنتي معايا يحتويني لك وله
لوسمحتي ياسؤالي يا اجابه مقنعه
ولوسمحتي . ليه عمري يبتدي فيك أوله
ليه صدري لوسمحتي تمتلي بك أضلعه
وليه روحي عايشه بك يا لـ/ذل المسئله
ليه قلبي فيك نبضه ما قبل من يمنعه
وليه احس انك حقيقه وكل همي وأجمله
ليه أحس انك نهايه . كيف جتني مسرعه
خالد الحجي (خالدها)