[عادل الحبيتر]

[align=center]كثير من المتزوجين يعانون . من شئ واحد وهو ..[/align][align=center]
دايم الناس المتزوجين .. بعد ما يتزوجون .. وبعد الزواج بشهر اوبعد كم شهر .. اذا الزوج قابل أحد من أصدقاءه .. أول ما يواجه سؤال من صديقه .. عالطول يقول بشر ما جاك مولود هههه .. ( وراه هم أرانب علشان يولدون بسرعة ) .. دايم أنا الاحظ الشئ هذا بالناس . هذا سؤالهم لأي واحد متزوج ..
قبل فترة كنت جالس عند صديقي . وجاء لمه واحد وسأله وقاله بشر ما جاك مولود .. مع انه ما أبطئ متزوج .
وملاحظ أن الزوجات حتى يواجهن السؤال هذا من الحريم .. يقولون لهن بشرن ما جنك مولود ..
والمصيبه اللي راح تتعب أي زوجة وهي لو تتأخر الزوجه سنه وهي ما ولدت .. يصير الحريم أنواع الحش فيها .. وراه فلانه ما ولدت الى اللحين . لا يصير فيها عيب هههه .. غريب بعض الناس .. ما يدرون أن بعض المتزوجين يحبوا يأخروا الولاده لمدة سنتين وفوق ..!
الضحية هي الزوجات بكلام الحريم .. لان أي زوجه راح تواجه مثل هذا الشئ .. راح تتعب نفسيا ..
( وكل هذه الاشياء ملاحظها بجميع المتزوجين ) ..![/align]

[align=center]**********************************[/align]
[align=center]
والشئ الثاني اللي أستغربه من بعض الناس .. اللحين بعض المتزوجات يحطها زوجها .. عند اهلها لمدة يومين أو أكثر .. لأسباب كثيره .. أحيانا تكون حامله ولا تحب الجلوس عند زوجها .. واحيانا تكون بسبب مشكله بسيطه بينه وبينها وحب أنه يحطها علشان تغير جو وهو يغير جو علشان يبتعدوا عن المشاكل ........ ثم يجون الناس أو يجي أخو البنت وأذا شاف أخته جالسه عندهم لاكثر من يومين .. يسألها السؤال البايخ .. ويقولها غريبه أنتي جالسه عندنا .. ووين زوجك ؟
هذا أعتبره سؤال بايخ ( وسلبي )
أنا عن نفسي أستحي أسال نفس السؤال هذا .. ![/align]