يبة كل الكلام يموت لا من غابت حروفك
يبة يامدرسة عمري وأغلى مانطق فمي
يبة وش لذة الدنيا بلا صوتك بلا شوفك
يبة ﻻ صرت بجوارك ترى ماهمني همي
يبة وأنت السحاب اللي تهله مدة كفوفك
يبة ياللي بحاجتي طوال الوقت مهتمي
يبة ياكثر ماتسبق شفوف عيالك شفوفك
يبة ﻻ أغتم واحدنا.. سهرت الليل مغتمي
يبة ياثاني أبواب الجنان بعطفك وخوفك
يبة يا أحق أنسان أبري من بعد أمي
يبة يا كبر قدرك ﻻ وربي كبر معروفك
يبة وشلون وأنت أصلي وفصلي لحمي ودمي