وَ أتيت بها
.
.
.
.
.
وش فيك ساكت يا وطن؟!
غن..
غن..
غن..
ودي اعرف وش ورا هذا السكوت؟!
غن..
مو مهم ليه؟!
ومتى؟! ..
ولمن؟!
المهم ..غن
.
.
.
كم لي وانا اناغيك ؟!
كثير اللي يثرثر فيك
وما غير صدري يحظنك
وانفاسي تغنيك ..
يا وطن ...قبل اعزفك لحن..
هو فيه من قالك غن؟!!
هو فيه من يسمعك ؟!
ومنهو معك ؟!
يا وطن..
شفني وحيد ...
وما حدا حن؟!
.
.
..بسألك
تعرف انا من ؟!
.
.
لا تنحرج ...عادي؟!!
انسان عادي
ممتلي جروح وانادي
ما ادعيت اني حزين ..
وغص حزني من عنادي
و ...
دن
دن
دن
و
مر عام من الحنين
مر حزن من الانين
ومر عمر..
مر كل شي..مُر
السنين اللي تقسمنا رغيف الضحك فيها ..
ورغما هذا نشتهيها ..
كنا نغمس كسرة الشوق في كاس الليالي البارده
ومرني وجهك ..مع ضحكة اصاحبي... او من بقى منهم
وش عليها ...بنت تعرف وش خذت من فؤادك ؟!.. لو تجي تسأل بلحظة غنج
وللامانه قبل هذا البنت ما ترسم على وجهي فرح
مفردات الشوق واللهفه ما تناثرتها الا عشانك ..
ويصراحه..يا وطن
وتلتقون فـ انكم تحرثون الشعر فيني ...لجل تعطوني ابتسامه
المهم ..
البنت هذي..اللي ابيها ..
رغم نسيانها تاريخ اول يوم التقيها..
اسألتني:
من تحب اكثر ..انا ..او بلادك ؟!!
دن
دن
دن
وبلحظة اتحس انك تكره انسان ما التقيته ..
بس تعرف شي واحد عنه ..
اخترع هذي العقارب اللي تلدغك في ثواني انتظارك ردة الفعل و وتفرك ايدك..
ودن
دن
دن
ترتبك ...تتلعثم بردك ...
كل شي يمر في بالك ....وعندك
وبرود اعصاب يحرق ما بقى بك من حطب ذاك الحنين
كررت نفس السؤال:
من تحب اكثر؟! انا..او بلادك؟!
لو تقول انتي ؟!!
غباء..
لن ممكن تينع الضحكه على شفه كم تمنيتها..
بس يذبل في عينها ..من كلامك ..
الرجوله ..
البطوله ..
الوفاء..
وش جاوبك لو تقول:
بكل سهوله بعت في لحظة ..كل معنى "الانتماء"؟!
صعب لما تقرا في عيون انسان تعشق
نظرة ازدراء!!
ودن
دن
دن
"عزف منفرد"
"افرك الساعه ويتثاوب طفل كان يتدحرج على رمل شاطيك
ولا يزال بطهر صمته اللي ما تطلخ بالابجديه
كان يتلعثم كلما مر طاريك ..
يتمتم اسمك..يرضع العشق لحدودك من حليبك ..
كان يفرد يده لسما ويضمها ..
وده يجيبك ..
ويتحرك عقرب هالزمان ..ويقرص عيوني
وافز..
ويتحلف الطفل احضانك..ينام..
وتنعكس صورته فـ ساعة ايدي
وكان عمر الانعكاس ..اكثر من ثلاثين عام "
و..."وينك"؟!
"صوت يصرخ بك ...بس صرخاته لحن.."
"ليه ساكت"؟!!
"من تحب اكثر؟انا..او بلادك؟!
ولو بقول انته؟!
راح تصرخ :
ليه تكذب عليا؟!
ليه توهمني..بأن..!!
بأن..!!!
يا وطن..ما اقدر اكمل ...
مستحي..مدري شقول؟!!
لان في مره ...
وبصراحه كنت صادق ..
كنت في كامل قوى قلب عاشق
لما ضمت راحت ايدي واسألتني :
من زمن؟!
يا بعد عمري ..انا من؟!
قلت : انتي وطن!!
ولاني اعرف قلبك اكبر يا وطن
وادري انك دايم تسامح
وان بيني وبينك"ميانه"
غصب عني طعنتك ..وخنتك
لاجل هذا الحب ..
وكنت ناسي ..."ما عمر حب يكون ناتج من خيانه"
.
.
.
"موال شارد "
الحزن...والبرد ...والوحشه
والهم ..والتفكير ...والرعشه
واللغصه اللي ساكنه حلقي
احساس هالوحده ووالشوق لبلادي
وجرح كافر فجعني فـ عيد ميلادي
والفقر...والجوع والحاجه
والكسر لما يخذلك صاحبك في يوم تحتاجه..
وآخر حلم عشته قبل يتبدد..
الليله... كلهم جوني بلا موعد
يا ليتهم دقوا الباب ...
او حتى نادوني ...
لو كان فيهم حيا ما كان زاروني
جوني كذا فجأه..
وبالحيل ضموني !!
واتبعثرت ضحكه كم لي الملمها!!
اول .. ليا ضاقت واطبق علي الحزن فكيّنه..
وحسيت بْحاجتي للبكى ..ابكي ..
ولا اتردد..
والحين حتى الدمع "ابن الـكلب"متمرد !!
ممكن سعاده سلف؟!!
محتاجها الليله..
محتاج ضحكه ولو صفرا...
اقلها ..بزعمي ضحكت..
لا تسألوني شلون؟!
من قال تفرق معي الالوان ؟!
والحزن ماله لون ؟!!
.
.
وش فيك ساكت يا وطن؟!!
وش فيك واقف بعيد هناك؟!
تعال ...قرّب..
دثر فزعة ضلوعي من وداعك
ودي افرك برد شوقي في ذراعك
يا وطن..
غن
غن
غن
وبسألك :
تعرف انا من ؟!
تعرف وجع يمشي على رجلين ؟!
هذا انا ..
تعرف حزن انجب وصار اثنين ؟!
هذا اانا ؟!
شفت الفراق اللي فطر قلبين ؟!
ساكن هنا ..
مُر..
بين الضلوع وبين ..
مرمن اخر اثنين مر..
مر عام...ومر عمر...
من سنة شوق وحنين
الين الحين
مشتاق ..
..