ياصاحبي الدنيا حكايات وعلوم
قصص عجيبة تذهل اللي قراها
الدنيا لو تضحك معك دايم الدوم
خلك فطين ولايهمك رضاها
كم واحد تبنى له أمال وحلوم
يفني وغيره يهتني في بناها
ياما أفرحت قوم وأحزنت قوم
وكم أعشقت عين وخانت غلاها
ياصاحبي شفت أمس وشف حالنا اليوم
دنيا تقلب يكفي الله بلاها
اليوم لامنة بغت عيني النوم
تنكدت روحي وعافت كراها
ماكل من علا بالأصوات مفهوم
وماكل روح تلقي في مناها
وماكل من يشكي معذب ومحروم
وماكل من يضحك همومة نساها
بحر الحياة إن صرت ماتعرف العوم
يرميك في غبه بعيده مداها
من راح يستسلم من أحزان وهموم
يموت حي وحاجتة ماقضاها
واجه هبوب الوقت بإيمان وعزوم
لابد ماربك يهدي هواها
وأصبر إذا شمسك حجب نورها غيوم
الغيم يتفرق ويشرق سناها
مما راق لي..