[الـريـــــــــم]

مآ عَلينآ ..
خلني فيك أتخبّا .. واحتمل !
أدري ان دمعي الطري مع دفتري
مع كل أشيائي .. على حملك .. حمل !

خلني أقرا ضلوعك
.. باب
.... باب
في حضوري بك .. أرى الدنيا غياب
وفي غيابي فيك .. "موتي" يكتمل !

خلني بك أتمشّى ,
وأفتح أزرار المدينه !
ودي أنقل لـ المسافة سر / عرّاه الزمن !
صدري المنفى .. وذكرانا وطن !
والبقايا الباقية ,
تبحر على متني سفينه !
المدينه .. تمشي فيني / آتلمّسها .. وانا عيوني / يديني !
أمشي بجبنك .. ولا زلت أسئلك .. ويني ؟


تعبت ألقى ..
وانا ادوّر على شيّ إن رحل يبقى !
على سطح الغياب ..
نعيق غراب !
نعيش بها الحياه .. أغراب !