أدري علي زعلان لكن اوريك!!
أشلون ترضى يابعد كل من لي
ملح الحياة أني أضمك وأخليك!!
وش هي الحياة بدون جد وتسلي؟
ساعات لي خاطر اجيبك ووديك
وارفع حرارة حبنا بالتغلي
أقول "ماحبك" ومابيك..مابيك
عشان "أغيضك" بس وافش غلي
والا الحقيقه أني أهواك وأغليك
ومحبتي لك مابعدها تخلي
ودي أحطك وسط عيني واغطيك
عشان ماتبعد عن العين ملي
لي غاب حسك نبض قلبي يناديك
أشتاق لك بالحيل يابعد كلي
اقعد أنا والشوق دايم بطاريك
أفكارنا مابين ربط وحلي
زعلان مني كل كلي يراضيك
ماأحد غيري عارف بطبع خلي
يالله ابتسم يالله ذبحني تغليك
يكفي حبيبي "مد بوز" وتغلي!!