[آلبآتشينو]

أدري / الصورة خاطمة .. بس عاجباني ~



يالساهـرة طــال فيـنـا اللـيـل و أسهـرتـك

جعلنـي المـوت .. ليـن الحـيـن سهـرانـة


نسـيـت نفـسـي بصـوتـك .. ثــم تذكـرتـك

و أنتـي بعـد مـا عليـك خــلاف .. نسيـانـة


لا قلـت أخليـك .. قلتـي ليـش ؟؟ أخّرتـك

خلـك حبيبـي معـي .. مـن جـد ولهـانـة


و إن قلـت لـك .. زيـن خلصتـي مذاكـرتـك ؟؟

قلتي لي .. بليز .. ما لي خلق .. طفشانة


الـظـاهـر إن هـذرتــي زادت .. و كــدرتــك

أهـلــي يـقـولـون عـنــي بـنــت زنــانــة


قلـت إهـذري و اِملـي عـروقـي بثرثـرتـك

هــذا هــو الـمـوت نـبـرة بـنـت نعسـانـة


تـدريــن يـامــا عـلــى نـفـسـي تكـاثـرتـك

ماكـنـت بـقــول بـــس الـحـيـن .. خـربـانـة


يــا حلـوتـي قـبـل أعـرفـك مــا تـصـورتـك

كنتـي لـي المستحـيـل بهيـئـة إنسـانـة


حـتـى قـبـل ماعـرفـك بـالـبـال حـضّـرتـك

ركـــزت ثـــم قـلــت : لا لا تـشـبـه فـلانــة


أحــس مــن كـثـر مــا حـاولـت جرجـرتـك

لـلـواقـع .. الله وهـبـنـي ايـــاك سبـحـانـه


كنـتـي سجيـنـة خـيـال وجـيـت حـررتــك

و أصبحت أسيرك و صرتي اليوم سجانـة


مــن قـبــل ترتـيـبـك لـمــا بـعــد بعـثـرتـك

يالمترفة .. و أشهـد إنـك صـدق فسقانـة !!


فـيــك الـمـزايــا .. مــــن أولــتــك لآخــرتــك

يـا أطـول قصيـرة .. و أنـحـف بـنـت مليـانـة


فـي كــل " ذرة " بجسـمـي قـمـت بعثـرتـك

لـيـن أصبـحـت كــل " ذرة " فـيــك هيـمـانـة


شـربــتــك الـبــارحــة فـتــنــة .. و كـثـّـرتــك

شوفي .. عروقي بحسنك كيـف .. سكرانـة


إلا تـعـالــي مــتــى تــبـــدأ مـحـاضـرتــك ؟؟

طـيـب أخلـيـك .. شـكـلـك جـــد .. تعـبـانـة !!