[آلبآتشينو]

لي متى قلبي أسيرك

لي متى عيني تهلّ


لي متى أبكي هجيرك

و أنت يمي لك محل


إرتعش الله يجيرك

قلبي اللي ما يملّ


يشتكي قسوة ضميرك

كيف تخدعني و تحلّ


ما عطيت الحب غيرك

و أنت تجرح ما تملّ


لا تقول لي ما أبي غيرك

ترى الكذب ما يكتمل


عاذل ٍ موّت ضميرك

مبعد ٍ عنه الخجل


ما له إلا في عشيرك

طعن و سيوف ٍ تسلّ


و أنت راضي به يشيرك

كيف دربك ما يزلّ


يا حسافة طار طيرك

مدمي ٍ جرحه يهلّ


و إنطفى نجمٍ ينيرك

و أنا بي حلّ الأجل


كثّر الله ألف خيرك

تهدي الموت بعجل